کولکاتا:مغربی بنگال کے دارالحکومت کولکاتا میں واقع کلکتہ ہائی کورٹ کے جسٹس ابھیجیت گنگواپادھیائے نے آج ججوں کے خلاف ترنمو ل کانگریس کے جنرل سیکریٹری ابھیشیک بنرجی کے سخت تبصرے پر نام لئے بغیر کہاکہ کچھ سیاسی لیڈرعدالت کا نام لے کر گمراہ کررہے ہیں ۔
انہوں نے کہاکہ میں ایسے لیڈروں کی عزت نہیں کرتا ہوں ، تاہم ان کی پارٹی کی سپریمو(ممتا بنرجی)ایسی باتیں نہیں کرتی ہیں ۔میں نے خود دیکھا ہے کہ وہ عدالتوں کی عزت کرتی ہیں ۔
جسٹس گنگوپادھیائے نے ممتا بنرجی کی تعریف کرتے ہوئے کہا کہ وہ بہت ہی سادہ شخصیت اور ایک ذمہ دار سیاست داں ہیں ۔سیاسی رہنماوں کو اس بات کا خیال رکھنے کی ضرورت ہے کہ ان کی باتوں کا معاشرے پر کیا اثر پڑ سکتا ہے۔
دوسری جانب سی پی آئی ایم کے ممبر پارلیمنٹ اور مشہور وکیل بکاس رنجن بھٹاچاریہ نے عدالت کی توجہ ابھیشیک بنرجی کے تبصروں کی طرف مبذول کرائی ہے۔
یہ بھی پڑھیں:SSC Scam برطرف عملہ کی تنخواہ واپس کرنے کی ہدایت پر عبوری روک
انہوں نے عدالت سے ایک خصوصی بنچ تشکیل دیا جائے۔یا پھر ابھیشیک بنرجی کے تبصروں پر از خود نوٹس لے ۔کلکتہ ہائ کورٹ کے جج چیف جسٹس نے اس معاملے میںتحریری شکایت درج کرانے کو کہا ہے۔واضح رہے کہ گزشتہ چند مہینوں کے دوران مغربی بنگال میں سیاسی رہنماوں کی جانب سے جج حضرات سے متعلق بیان بازی ہوئی تھی۔
