کولکاتا: مغربی بنگال کے جنوبی 24 پرگنہ کے بھانگوڑ کے بھوگلی 1 علاقہ کے آئی ایس ایف امیدوار راج کمار گیان کی بیوی ایم ایل اے سے ملاقات کے بعد رو پڑیں۔ راج کمار کو ووٹوں کی گنتی کے بعد ہنگامہ آرائی اور پولیس پر حملہ کرنے کے الزام میں گرفتار کیا گیا تھا۔ بیوی کی شکایت ہے کہ پولیس بیمار شوہر کو دوائی بھی نہیں پہنچانے دے رہی ہے اور اسے تشدد کا نشانہ بنا رہی ہے۔
پولیس نے بھوگلی 2 ریجن کے کنٹاڈانگا گاؤں پنچایت سے ISF کے جیتنے والے امیدوار احد الاسلام کو بھی گرفتار کر لیا۔ ان کے والد ادریس علی ملا نے ممبر اسمبلی سے شکایت کی کہ پولیس ان کے بیٹے پر تشدد کر رہی ہے۔ ایم ایل اے نے کہا کہ ہر طرح سے قانونی مدد فراہم کی جائے گی۔
نوشاد نے بعد میں کہاکہ پولیس ہمارے کارکنوں کو ہراساں کر رہی ہے۔ خواتین پولیس کے بغیر رات کو گھر گھر جا کر پولیس خواتین کو ہراساں کر رہی ہے۔ انہوں نے کہا کہ بھانگوڑ کو کولکاتا پولس کے تحت دینے کے ساتھ ساتھ کلکتہ میونسپلٹی کے ماتحت کردیا جائے۔
یہ بھی پڑھیں:Mamata on Nusrat Jahan میڈیا نصرت جہاں مجرم ثابت کرنے کی کوشش کر رہا ہے، ممتا بنرجی
پولیس کے مطابق مختلف شکایات کی جانچ کی جا رہی ہے۔
