ریاستی وزیر تعلیم پارتھو چٹرجی نے کہا کہ سی ای ایس سی لمیٹڈ اور مغربی بنگال اسٹیٹ الیکٹرک سٹی ڈسٹری بیوشن لمیٹڈ کو اس سے متعلق ایڈوائزری جاری کردی گئی ہے۔
ایڈوائزری میں کہا گیا ہے کہ یکم اکتوبر سے 18 اکتوبر کے درمیان بجلی سپلائی میں کسی قسم کا رخنہ نہیں پڑنا چاہیے۔ سی ای ایس سی لمیٹڈ کلکتہ، ہوڑہ اور ہگلی کے کچھ علاقوں میں بجلی سپلائی کرتی ہے۔ جب کہ مغربی بنگا ل اسٹیٹ الیکٹرک سٹی ڈسٹری بیوشن لمیٹڈ مغربی بنگال میں بجلی سپلائی کرتی ہے۔
خیال رہے کہ ریاستی وزارت تعلیم نے تمام ریاستی یونیورسٹیوں سے کہا ہے کہ انڈر گریجویٹ اور پوسٹ گریجویٹ کے فائنل سمسٹرکے امتحانات یکم اکتوبر سے 18 اکتوبر کے درمیان مکمل کرلیے جائیں اور 31 اکتوبر تک نتائج شائع ہونا چاہیے۔
اس سال کورونا بحران کی وجہ سے امیدوار گھر پر ہی سوال نامہ لوڈ کرکے جواب لکھیں گے۔ اور جواب لکھنے کے بعد امیدوار میل کے ذریعہ اپنے جواب کو بھیجیں گے۔
