انتخابی کمیشن کے سربراہ کا کہنا ہے کہ فی الحال بیلیٹ پیپر کے ذریعہ انتخابات کرانے کا امکان نہیں ہے۔ ای وی ایم اور بیلیٹ پیپر کے ذریعہ انتخابات کرانے کا فیصلہ سپریم کورٹ کے علاوہ کوئی اور نہیں کرسکتا ہے۔
انہوں نے کہاکہ یہ بات سچ ہے کہ انتخابی کمیشن ہی انتخابات کرانے کا فیصلہ کرتی ہے لیکن کمیشن کو سپریم کورٹ کے حکم کاانتظار ہوتا ہے ۔ سپریم کورٹ کے حکم کےن مطابق ہی انتخابات کرایاجاتا ہے۔
سنینل اروڑہ کاکہنا ہے کہ بیلیٹ پیپر سے انتخابات کرانے کے تکنیکی مسائل ہیں۔ وی وی پیٹ کی گنتی سب سے بڑامسئلہ ہے۔ وی وی پیٹ کی گنتی جب تک نہیں ہوتی ہے اس وقت تک بیلیٹ پیپر کی گنتی ممکن نہیں ہے۔
انتخابی کمیشن کے سربراہ نے مغر بی بنگال میں این آر سی نافذ کے سوال پر کہاکہ ایک سنگین مسئلہ ہے ۔ اس پر بات نہیں کی جاسکتی ہے۔ سپریم کورٹ کا جو فیصلہ آ ئے گا اس کے مطابق ہی کام کیا جا ئے گا۔
انہوں نے کہاکہ مغر بی بنگال میں این آر سی کا عمل کب شروع ہوگا اور کب نہیں اس کے بارے میں سپریم کورٹ ہی فیصلہ کرسکتی ہے۔
واضح رہے کہ انتخابی کمیشن کے سربراہ سنیل اروڑہ دوروزہ دورے کے دوران کولکاتا آئے ہیں۔ سنیل اروڑہ ریاستی انتخابی کمیشن کے عہدیداران سے اگلی حکمت عملی پر تبادلہ خیال کریں گے۔
