مغربی بنگال کے بردوان ضلع کے مسلم اکثریتی علاقہ آسنسول کے امام رشیدی نے بیٹے کے قاتلوں کے خلاف گواہی دینے سے انکار کر دیا جس کی بنیاد پر آج عدالت نے دونوں گرفتار نوجوانوں کو بے قصوروار قرار دے دیا Asansol Violence۔ ذرائع کے مطابق آسنسول عدالت میں امام رشیدی کے بیٹے کے قتل معاملے کی شنوائی تھی۔ دونوں ملزمین کے خلاف فیصلہ آنے والا تھا لیکن عین موقع پر امام رشیدی نے گواہی دینے سے انکار کر دیا۔ Imam Rashidi Refuses to Identify Son Murderer
امام رشیدی کے گواہی دینے سے انکار کرنے کے سبب عدالت نے ثبوت اور گواہوں کے فقدان کے باعث دونوں ملزمین کو بے قصوروار دے دیا۔ امام رشیدی نے کہاکہ ان کا بیٹا اب اس دنیا میں نہیں رہا۔ اب اس معاملے کو آگے لے جانے کا کیا فائدہ۔ اسی وجہ سے گواہی نہ دینے کا فیصلہ کیا۔ امام رشیدی کے وکیل کے مطابق یہ ایک انوکھا واقعہ ہے، بیٹے کے ملزمین کے خلاف گواہی نہ دینے کے فیصلے سے سب حیران کن ہیں۔ گواہی نہ دینے کا فیصلہ ان کا ہے اور ان پر دباؤ ڈالا نہیں جا سکتا ہے۔'
واضح رہے کہ مغربی بنگال کے بردوان ضلع کے مسلم اکثریتی علاقہ آسنسول کے رانی گنج میں سنہ 2018 میں رام نومی کے جلوس کے دوران امام رشیدی کے بیٹے امام احمداللہ رشیدی کو قتل کر دیا گیا تھا۔ اس واقعے کے بعد آسنسول - رانی گنج میں کئی دنوں کشیدگی کا ماحول تھا۔ پولیس نے اس معاملے میں دس لوگوں کو گرفتار بھی کیا تھا، جن میں سے دو لوگوں کو مجرم قرار دیا گیا تھا اور اب انہیں آج عدم گواہی کی بنیاد پر بے قصوروار قرار دے دیا گیا۔
مزید پڑھیں:
