مغربی بنگال کے مالدہ ضلع میں عوامی جلسے سے خطاب کرتے ہوئے وزیراعلیٰ ممتا بنرجی نے مرکزی حکومت اور بی جے پی کے رہنماؤں پر تنقید کی۔
ممتا بنرجی
ممتا بنرجی نے کہا کہ اسمبلی انتخابات سے قبل بڑے بڑے لوگ بنگال میں آ رہے ہیں۔ میں سب سمجھتی ہوں کہ وہ لوگ کس مقصد سے یہاں آتے ہیں۔
وزیراعلیٰ ممتا بنرجی نے کہا کہ بنگال کو نہ گجرات بننے دوں گی اور نہ ہی بیرونی رہنماوں کے سامنے خودسپردگی کروں گی۔
انہوں نے کہا کہ گجرات کے لوگ بنگال کو ریموٹ کنٹرول کے ذریعہ چلائیں گے۔ ایسا ہرگز نہیں ہوگا۔ بیرونی ریاستوں کے لوگوں نے بنگال کے عوام کو بے وقوف سمجھ رکھا ہے۔
ترنمول کانگریس کی سربراہ ممتا بنرجی نے کہا کہ چند لوگوں نے ملک بھر میں اجارہ داری قائم کر رکھا ہے۔ دوسروں کے اظہار خیال پر پابندی عائد کر دی ہے۔
انہوں نے کہا کہ صحافیوں، دانشوروں، ادیب اور مخالفت کرنے والوں کے خلاف مقدمہ درج کیا جا رہا ہے۔ اظہار خیال پر پابندی عائد کرنے والوں کے خلاف عوام آواز بلند کرنے لگی ہے۔
یہ بھی پڑھیں: کولکاتا: کالجز کے غیر مستقل ملازمین کا احتجاج
عوامی جلسے سے خطاب کرتے ہوئے وزیراعلیٰ ممتا بنرجی نے کہا کہ ہم نہ صرف اسمبلی انتخابات میں تاریخی کامیابی کے ساتھ حکومت بنائیں گے بلکہ دہلی بھی سنبھالیں گے۔
ممتا بنرجی کا کہنا ہے کہ مغربی بنگال میں حکومت بنانے کے بعد دہلی کا کنٹرول اپنے ہاتھوں میں لیں گے یا پھر عوام خود بخود ہمارے ہاتھوں میں سونپیں گے۔
