کولکاتا:مغربی بنگال کے دارالحکومت کولکاتا کے کیشور بھارتی اسٹیڈیم میں میزبان محمڈن اسپو رٹنگ اور سدیوا ایف سی کی ٹیمیں آمنے سامنے ہوئیں۔دونوں ٹیموں کے درمیان دلچسپ اور سنسنی خیز مقابلہ دیکھنے کوملا۔ کھیل کے 39 ویں منٹ پر ابولا داودا نے گول کرکے محمڈن اسپورٹنگ کو ایک صفر کی سبقت دلانے میں اہم رول ادا کیا۔پہلے ہاف کے اختتام تک مہمان ٹیم سودیوا ایف سی اسکور برابر کرنےکی کوشش کی لیکن ناکام رہی۔
کھیل کے دوسرے ہاف میں بھی دونوں ٹیموں کی جانب سے دلچسپ اور سنسنی خیز مقابلہ جاری رہا ۔کھیل کے 52 ویں منٹ پر ابو لا داودا نے ایک اور گول کرکے محمڈن اسپورٹنگ کو دو صفر کی سبقت دلائی مگر ایک منٹ بعد ہی ایلیکس گومس نے گول کرکے میچ کا اسکور دو ایک کردیا۔ کھیل کے56 ویں منٹ پر لوان جانگس والا نے گول کرکے سدیو ا ایف سی کو 2-2گول کی برابری پر لاکھڑ ا کردیا۔اسکور برابر ہونے کے بعد دونوں ٹیموں نے اپنی اپنی کارکردگی میں مزید تیزی لائی۔
