'امتحان منعقد کرنا خطرناک'

'پورا ملک کورونا وائرس کی وبا میں مبتلا ہے۔ایسے میں امتحانات کا انعقاد خطرناک ہو سکتا ہے۔'

مغربی بنگال کی وزیر اعلی ممتا بنرجی نے مرکزی حکومت سے اپیل کی ہے کہ آئندہ ستمبر میں ہونے والے این ای ای ٹی اور جے ای ای امتحانات کو ملتوی کیا جائے، جب تک کہ حالات معمول پر نہیں آ جاتے۔اس وقت امتحانات منعقد کرنے کو انہوں نے خطرناک قرار دیا۔جس کی بنا پر ممتا بنرجی نے مرکز سے امتحانات کو ملتوی کرنے کی اپیل کی ہے۔

مرکزی حکومت کی جانب سے آئندہ ستمبر میں این ای ای ٹی اور جے ای ای،کے امتحانات منعقد کرنے کا اعلان کیا گیا ہے۔جس پر مغربی بنگال کی وزیر اعلی ممتا بنرجی نے کہاکہ موجودہ حالات میں امتحانات کا اہتمام خطرناک ہو سکتا ہے۔

انہوں نے اپنے ٹویٹ کے ذریعے اس معاملے میں اپنے موقف کو واضح کرتے ہوئے لکھا ہے کہ جبکہ پورا ملک کورونا وائرس کی وبا میں مبتلا ہے۔ایسے میں امتحانات کا اہتمام خطرناک ہو سکتا ہے۔انہوں نے اپنے ٹویٹ میں لکھا ہے کہ گزشتہ بار جب وزیراعظم نریندر مودی کے ساتھ ورچول میٹنگ ہوئی تھی تو میں نے یو جی سی کی اس گائڈ لائن کی مخالفت کی تھی جس میں ستمبر 2020 کے اواخر تک کالج اور یونیورسٹی سطح کے امتحانات مکمل کرنا ضروری قرار دیا گیا تھا۔جو طلباء کی زندگی مشکل میں ڈالنے کے مترادف ہے۔ایک بار پھر مرکزی وزارت تعلیم کی طرف سے آئندہ ستمبر میں neet اور jee کے امتحانات کرانے کا اعلان کیا گیا ہے۔میں ایک بار پھر مرکزی حکومت سے اپیل کرتی ہوں کہ موجودہ صورت حال میں امتحانات منعقد کرنا خطرہ ہو سکتا ہے۔اس لئے جب تک کہ حالات معمول پر نہیں آ جاتے۔امتحانات کو ملتوی کر دیا جائے۔ہماری ذمہ داری ہے کہ ہم اپنے طلباء کی صحت کا خیال رکھیں۔ممتا بنرجی کے علاوہ بھی کئی ریاستوں نے امتحانات ملتوی کرنے کی اپیل کی ہے۔