ریاست مغربی بنگال کے دارالحکومت کولکاتا اور اس کے اطراف کے اضلاع میں گزشتہ 24 گھنٹوں سے موسلادھار بارش کا سلسلہ جاری ہے۔ ریاست کے اضلاع میں جمعہ سے شروع ہونے والی بارش نے صنعتی خطہ شمالی 24 پرگنہ سمیت بیشتر اضلاع کے نکاسی نظام کی پول کھول دی۔
شمالی 24 پرگنہ کے بیشتر مسلم اکثریتی علاقے کمرہٹی، کھردہ، ٹیٹاگڑھ، شمالی 24 پرگنہ، جگتدل، حالی شہر علاقوں کا بہت برا حال رہا۔
نکاسی نظام ابتر ہونے کے سبب بیشتر علاقوں میں بارش کا پانی جمع ہوچکا ہے جس کے سبب عام لوگوں کو بڑی پریشانیوں کا سامنا کرنا پڑرہا ہے۔ مساجد کے باہر گندہ پانی جمع ہونے سے نمازیوں کو بھی پریشانی درپیش ہوئی۔
دوسری طرف علی پور محکمۂ موسمیات نے واضح طور پر کہہ چکا ہے کہ مغربی بنگال میں اگلے دس دنوں تک عام لوگوں کو بارش سے راحت ملنے کا کوئی امکان نہیں ہے۔
یہ بھی پڑھیں: بارہ بنکی میں 24 گھنٹوں میں 176 ملی میٹر بارش ریکارڈ
انہوں نے مزید کہا کہ 'کولکاتا سمیت مختلف اضلاع یوں ہی بارش کا سلسلہ جاری رہے گا۔ اس درمیان آسمانی بجلی کے گرنے کا بھی خطرہ ہے۔'
علی پور محکمۂ موسمیات کے مطابق مشرقی مدنی پور، بردوان، شمالی 24 پرگنہ اور جنوبی 24 پرگنہ کے ساحلی علاقوں میں رہنے والے لوگوں کو احتیاط برتنے کا مشورہ دیا ہے۔'
