مغربی بنگال کے گورنر جگدیپ دھنکر اور وزیراعلیٰ ممتا بنرجی کے درمیان سوشل میڈیا پر لفظی جنگ عام بات ہوگئی ہے. دونوں اعلیٰ رہنما ایک دوسرے پرتنقید کرنے کا کوئی موقع ہاتھ سے جانے دینا نہیں چاہتے ہیں۔
لیکن آج بات حد سے زیادہ بڑھ گئی جب ترنمول کانگریس کی سربراہ اور وزیراعلیٰ ممتا بنرجی نے گورنر جگدیپ دھنکر کو ٹویٹر پر بلاک کر دیا۔ Mamata Banerjee blocks Governor Jagdeep Dhankhar from her Twitter account
وزیراعلیٰ ممتا بنرجی کے ذریعہ ٹوئٹر پر بلاک کئے جانے پر گورنر جگدیپ دھنکر نے کڑی مذمت کرتے ہوئے کہا کہ یہ عمل آئین کے خلاف ہے۔
گورنر جگدیپ دھنکر نے آرٹیکل 159 کے تحت اعلیٰ عہدے پر فائز کسی بھی عہدیدار کے خلاف اس طرح کی حرکت نہیں کی جا سکتی ہے۔
انہوں نے وزیراعلیٰ ممتا بنرجی کا نام لئے بغیر کہا کہ آرٹیکل 159 کی خلاف ورزی کی ہیں اور افسوس کی بات یہ ہے کہ وزیراعلیٰ کو اس کی جانکاری بھی نہیں ہو گی۔
ان کا کہنا ہے کہ حکمراں جماعت ترنمول کانگریس کی سربراہ اور وزیراعلیٰ ممتا بنرجی آئین کے مطابق کام نہیں کرتی ہیں۔ وہ یہ بات آج سے نہیں گزشتہ کئی برسوں سے کہہ رہے ہیں۔
گورنر جگدیپ دھنکر کے مطابق آپ ساری باتیں سوشل میڈیا پر کہہ رہے ہیں۔ ان باتوں کا کوئی آئین کے مطابق جواب دیتا ہے تو اسے بلاک کر دیا جاتا ہے۔ جمہوریت میں سب کو بولنے کا حق ہے اور آپ اس اظہار آزادی پر پابندی عائد کر رہیں ہیں۔
واضح رہے کہ مغربی بنگال کی وزیراعلیٰ ممتا بنرجی نے آج گورنر جگدیپ دھنکر کو ٹویٹر پر بلاک کر دیا۔ اس کی اطلاع منظر عام پر آنے کے بعد سیاسی رہنماؤں کے درمیان لفظی جنگ تیز ہو گئی ہے۔
