مغربی بنگال کی وزیراعلی ممتا بنرجی نے دھوپ گوڑی میں ہوئے سڑک حادثے میں ہلاک ہونے والے چودہ افراد کی موت پر تعزیت پیش کی۔
اس دوران انہوں نے کہا کہ 'یہ ایک دلدوز واقعہ ہے۔ ہلاک ہونے والے افراد کے کنبوں سے ہمدردی ہے اور اس برے وقت میں ان کے دکھ میں برابر کی شریک ہوں۔
وزیراعلی ممتا بنرجی نے سڑک حادثے میں ہلاک ہونے والوں کے اہل خانہ کو ڈھائی، ڈھائی لاکھ روپے معاوضہ دینے کا بھی اعلان کیا ہے۔
اس کے علاوہ حادثے میں شدید طور پر زخمی ہونے والوں کو 50-50 ہزار روپے اور معمولی طور پر زخمی ہونے والوں کو 25-25 ہزار روپے معاوضہ دینے کا اعلان کیا گیا ہے۔
واضح رہے کہ مغربی بنگال کے جلپایی گوڑی ضلع کے دھوپ گوڑی میں آج صبح پتھر سے لدی لاری شادی سے واپس آرہی ماروتی وین اور ٹاٹا میجک پر پلٹ گئی
اس واقعے میں چودہ افراد کی موقع پر ہی موت ہوگئی جبکہ دس لوگ شدیدی طور پر زخمی ہو گئے جن میں سے دو کی حالت انتہائی تشویشناک بتائی جارہی ہے۔
