بنید پور:مغربی بنگال کے ضلع جنوبی دیناج پور ضلع میں پہلی بار سیلف ہیلف گروپس سے تعلق رکھنے والی خواتین کے لئے فوڈ فیئر کا اہتمام کیا گیا ہے۔ اس میلے میں مقامی اور غیر ممالک کے کھانے پینے کے اسٹالز لگائے گئے ہیں۔ میلہ لگے گا لیکن مٹھائی نہیں ملے گی، ایسا کبھی نہیں ہوتا۔ مٹھائی کی مختلف اقسام کے اسٹال میں لوگوں کی بھیڑ امڈ رہی ہے۔ جنوبی دیناج پور ضلع انتظامیہ کی پہل پر بنیاد پور فٹبال گراؤنڈ میں 5 روزہ فوڈ فیئر منعقد کیا گیا ہے۔
جنوبی دیناج پور کے ضلع مجسٹریٹ بیجن کرشنا نے اس سلسلے میں کہا کہ ریاستی حکومت کی طرف سے پروجیکٹ کے تحت کھانے کے میلے کا اہتمام کیا جا رہا ہے ۔ہر ضلع میں شروع کیا گیا تھا۔ یہ میلہ آج سے ہمارے ضلع میں شروع ہو گیا ہے۔ یہ میلہ پانچ روز تک جاری رہے گا۔ یہاں کل 30 سے 40 اسٹالز ہیں۔ آندھرا پروجیکٹ کے تحت مختلف سیلف ہیلپ گروپس خواتین کو خود کفیل بنانے کے لئے یہ اقدام اٹھایا گیا ہے۔
اس تناظر میں بنشیہاری بلاک کے رہائشی سلیم احمد نے کہا کہ یہ پہلا موقع ہے کہ جب ریاستی حکومت کی ہدایت پر بنیاد پور فٹبال گراؤنڈ میں 'فوڈ فیئر' میلے کا انعقاد کیا گیا ہے۔ ہائی سکنڈری اور مدھیامک امتحانات دے چکے لڑکے اور لڑکیوں نے میلے میں اسٹالز لگائے ہیں۔
یہ بھی پڑھیں:Mamata Banerjee Start Dharna مرکزی حکومت کے خلاف ممتابنرجی کا دھرنا
انتظامیہ کے ذرائع کے مطابق اس کھانے کے میلے کا انتظام مکمل طور پر سیلف ہیلف گروپس سے تعلق رکھنے والی خواتین نے کیا ہے۔ اس میلے میں کھانے پینے کے 30 سے زائد اسٹالز ہیں۔ مختلف قسم کے کولڈ ڈرنکس، ایگ رول، چاؤمین سے لے کر لٹی چوکھا، فش فنگر، چکن ،مٹن روسٹ تک دستیاب ہیں۔
