مغر بی بنگال کے کولکاتا کے جتن داس میٹرو اسٹیشن کے پلیٹ فارم نمبر ایک پر الیکٹرک پوائنٹ میں آگ لگنے سے اسٹیشن میں افرا تفری مچ گئی اور مسافر ادھر ادھر بھاگنے لگے۔
میٹرو ریلوے انتظامیہ، ریلوے پولیس اور فائر بریگیڈ کی بروقت کارروا ئی کی وجہ سے حالات پر جلد قابو پالیا گیا۔ اس واقعہ میں کسی کے زخمی ہونے کی اطلاع نہیں ہے۔
میٹرو ریلوے انتظامیہ کا کہنا ہے کہ الیکٹرک پوائنٹ میں آ گ لگی تھی لیکن فائر بریگیڈ اور ریلوے پولیس کی مستعدی سے حالات پر جلد قابو پا لیا گیا۔
انہوں نے کہا کہ آتشزدگی کے دوران پلیٹ فارم پر افراتفری مچ گئی تھی لیکن اس دوران کسی کے زخمی ہونے کی اطلاع نہیں ہے۔
انتظامیہ کے مطابق چند گھنٹوں کے اندر ہی میٹرو سروس دوبارہ بحال کی گئی ۔انجینیئرز کی ٹیم الیکٹرک پوائنٹ کو بہتر بنانے کے لیے کام کر رہی ہے تا کہ اس میں دوبارہ آگ نہ لگے۔
