مغربی بنگال کے مرشدآباد ضلع کے بھرپور تھانے کے او سی کو سر عام دھمکی دینے اور بے عزت کرنے کا معاملہ طول پکڑنے لگا ہے۔ اس سلسلے میں رکن اسمبلی ہمایوں کبیر کے خلاف FIR Lodge Against TMC MLA ایف آئی آر درج کرائی گئی ہے۔
ذرائع کے مطابق آج دن میں بھرت پور کے او سی راجو مکھرجی نے ضلع پولیس سپرنٹنڈنٹ کی ہدایت پر عمل کرتے ہوئے حکمراں جماعت ترنمول کانگریس کے رکن اسمبلی ہمایوں کبیر کے ایف آئی آر درج کرائی ہے۔
حکمراں جماعت ترنمول کانگریس کے رکن اسمبلی ہمایوں کبیر کے خلاف دفعہ 116،117،118 اور 153 کے تحت ایف آئی آر درج کرائی گئی ہے، کہا جارہا ہے وہ کسی بھی وقت گرفتار ہو سکتے ہیں۔
دوسری طرف بھرت پور ترنمول یوتھ کانگریس کے صدر نذرالاسلام یکم جنوری کو ترنمول کانگریس کے یوم تاسیس کے موقع پر جلسے کی اجازت لینے کے لیے گئے تھے تاہم تھانے کے او سی راجو مکھرجی اس کے لیے اجازت نہیں دی۔ او سی کا کہنا ہے کہ ایک علاقے میں ایک ہی جلسے کی اجازت دی جا سکتی ہے۔ ایک ہی پروگرام کے لیے دس جگہ جلسہ اور بھیڑ اکھٹا کرنے کی اجازت نہیں دی جا سکتی ہے۔
بھرت پور ترنمول یوتھ کانگریس کے صدر نذرالاسلام اور نور الاسلام نے کہاکہ تھانے کے او سی اور رکن اسمبلی ہمایوں کبیر کا معاملہ طول پکڑ چکا ہے۔
انہوں نے کہاکہ دھمکی دینے کے واقعے کے بعد تھانے کے تمام پولیس اہلکاروں کا رویہ بالکل بدل چکا ہے۔ جلسے کے لیے اجازت نہیں دینا اس کی ایک مثال ہے۔'
واضح رہے کہ گزشتہ روز ترنمول کانگریس کے رکن اسمبلی ہمایوں کبیر نے بھرت پور تھانے میں جا کر ڈیوٹی پر تعینات او سی راجو مکھرجی کو نہ صرف دھمکی دی بلکہ بے عزت بھی کی تھی۔
مزید پڑھیں:
