آسنسول: مغربی بنگال کےبردوان ضلع کے کلٹی تھانہ کے تحت سنکتوریا کے مویلا گادا علاقے میں واقع ایک مکان میں دھماکے کا واقعہ پیش آنے سے علاقے میں سنسنی پھیل گئی۔ زور دار دھماکے کے سبب کچن گھر کی ٹین چھت اڑگئی۔ حالانکہ اس واقعے میں کسی کے زخمی ہونے کی اطلاع نہیں ہے۔ پولیس نے جائے وقوع پر پہنچ کر تفتیش شروع کردی ہے۔ پولیس نے اس معاملے میں گھر مالک اور اس کے بیٹے کو حراست میں لے کر پوچھ گچھ شروع کردی ہے۔ جائے وقوع اور اس کے اطراف میں تلاشی مہم جاری ہے۔ پولیس نے کہاکہ اس معاملے میں فی الحال واضح طور پر کچھ بھی کہا نہیں جا سکتا ہے۔ تفتیش جاری ہے۔ پولیس یہ پہ لگانے کی کوشش کر رہی ہے کہ دھماکے کی وجہ کیا ہے۔ تلاشی مہم کے دوران دھماکہ خیز مواد برآمد نہیں ہوئے ہیں۔ پڑوسیوں سے بھی اس معاملے میں پوچھ گچھ کی جا رہی ہے۔
یہ بھی پڑھیں:Fire Breaks Out In Embroidery Factory بڑا بازار کے جڑی فیکٹری میں بھیانک آتشزدگی
گھریلو خاتون کا دعویٰ ہے کہ گزشتہ شب 2 بج کے قریب زور دار دھماکے کی آواز آئی۔ ہم نے دیکھا کہ کچن پوری طرح سے تباہ و برباد ہو چکا تھا۔ مقامی باشندوں نے اس کی اطلاع کی پولیس کو دی ۔ انہوں نے مزید کہاکہ ان کے شوہر کا اپنے بھائی کے ساتھ تنازع چل رہا ہے۔ان کے بھائی نے ہی اس واردات کو انجام دیا ہوگا۔پولیس نے میرے دیور اور اس کے بیٹے کو پکڑ کر لے گئی ہے۔انہوں نے انصاف کی فرہد کی ہے۔مقامی باشندوں نے بھی رشتہ داروں کے درمیان تنازع کی بات کا ذکر کیا ہے۔
