اننت ناگ: پولیس نے جنوبی کشمیر کے اننت ناگ ضلع میں این ڈی پی ایس ایکٹ کے تحت 1.5 کروڑ مالیت کی منشیات فروشوں کی منشیات کی جائیدادوں کے خلاف کریک ڈاؤن تیز کیا ہے۔
منشیات کے استعمال سے نمٹنے کے لیے ایک اہم قدم میں، اننت ناگ پولیس نے منشیات فروشوں کے خلاف جاری مہم کے ایک حصے کے طور پر نارکوٹک ڈرگس اینڈ سائیکوٹروپک سبسٹینس (این ڈی پی ایس) ایکٹ کے تحت 1.5 کروڑ کی جائیداد ضبط کی ہے۔
واضح رہے کہ ایک بڑی کارروائی میں، مٹن تھانہ سے وابستہ پولیس ٹیم نے اننت ناگ ضلع کے کہری بل اعظم خان محلہ کے رہائشی افروز احمد بٹ ولد غلام حسن بٹ کا 80 لاکھ مالیت کا ایک منزلہ رہائشی مکان ضبط کیا۔
پولیس کے مطابق بٹ ایک پیشہ ور مجرم ہے جس کے خلاف منشیات فروشی کی غیر قانونی تجارت کے سلسلہ میں این ڈی پی ایس ایکٹ کے تحت کئی مقدمات درج ہیں۔
غور طلب ہے کہ اسی طرح پولیس اسٹیشن سری گفوارہ نے ایک اور کاروائی کے دوران کلان سریگفوارہ کے رہنے والے دو بھائی پیر آصف احمد شاہ اور پیر توصیف احمد شاہ ولد عبدالرشید شاہ کے 70 لاکھ مالیت کی تین کمرشل دکانیں ضبط کی ہیں، دونوں بھائی این ڈی پی ایس کے کئی معاملات میں ملوث ہونے کی وجہ سے زیر تفتیش ہیں۔
