مغربی بنگال کے دارالحکومت کولکاتا میں محمڈن اسپورٹنگ کلب کی جانب سے ہوم گراؤنڈ میں شاندار روایتی دعوت افطار کا اہتمام کیا گیا۔ محمڈن اسپورٹنگ کی روایتی دعوت افطار کے موقع پر بھارتی قومی فٹبال ٹیم کے سابق عظیم فٹبالر اور کوچ سید نعیم الدین اور حیدرآباد سے تعلق رکھنے 1970-80 کی دہائی میں کولکاتا میدان میں اپنی غیرمعمولی صلاحیت کی بدولت بنگال کے فٹبال کے دیوانوں کے دلوں پر حکمرانی کرنے والے محمد فرید کو شانِ محمڈن اعزاز سے نوازا گیا۔ Shaan-e-Mohammedan Award to Syed Naimuddin and Farid
کلب انتظامیہ نے سابق فٹبالر محمد فرید کی خدمات کو اعتراف کرتے ہوئے سب سے پہلے انہیں شانِ محمڈن ایوارڈ کے ساتھ چیک اور خصوصی مومنٹو سے نوازا۔ اس کے بعد بھارتی قومی فٹبال ٹیم کے سابق عظیم فٹبالر اور کوچ سید نعیم الدین کو شانِ محمڈن ایوارڈ سے نوازا گیا۔ اس موقع پر سابق فٹبالر اور قومی فٹبال ٹیم کے کوچ سید نعیم الدین نے کہا کہ 'اس تاریخی اعزاز کے لیے کلب انتظامیہ کا بہت شکر گزار ہوں، کلب انتظامیہ نے خدمات کا اعتراف کیا اور اس ایوارڈ سے نوازا۔' انہوں نے کہا کہ 'محمڈن اسپورٹنگ درست سمت میں گامزن ہے۔ دو تین سال اسی طرح گزرا تو یقین سیاہ سفید جرسی والی ٹیم محمڈن اسپورٹنگ بھارتی فٹبال میں اپنا کھویا ہوا مقام دوبارہ حاصل کر سکتی ہے۔' Iftar by Mohammedan Sporting Club
- یہ بھی پڑھیں: Shan E Mohammedan Award: سابق فٹبالر سید نعیم الدین اور محمد فرید کو شانِ محمڈن ایوارڈ دینے کا اعلان
سابق فٹبالر محمد فرید نے ای ٹی وی بھارت سے گفتگو کرتے ہوئے کہا کہ 'وہ شان محمڈن ایوارڈ ملنے پر بے حد خوش ہیں۔ اس کے لیے کلب انتظامیہ کا شکریہ ادا کرنا چاہتا ہوں۔ انہوں نے کہا کہ 'تاریخی کلب محمڈن اسپورٹنگ کے لیے کھیلنا ہی کسی سے اعزاز سے کم نہیں ہے۔ بھارتی فٹبال میں محمڈن اسپورٹنگ سب سے زیادہ شیدائیوں والا کلب ہے۔' محمڈن اسپورٹنگ کے روایتی دعوت افطار کے موقع پر ریاستی ٹرانسپورٹ وزیر فرہاد حکیم، وزیر کھیل اروپ رائے، رکن پارلیمان ندیم الحق، رکن پارلیمان مالا رائے، رکن اسمبلی بابل سپریو کے علاوہ کلب کے جنرل سیکرٹری دانش اقبال سمیت دوسری شخصیات موجود تھیں۔
