مغربی بنگال میں ان دنوں ترقیاتی منصوبوں کو تمام اضلاع کے عام لوگوں تک پہنچانے کی بھرپور کوشش کی جا رہی ہے۔
وزیراعلیٰ ممتا بنرجی کی ہدایت پر ریاست کے تمام وزراء اپنے اضلاع میں جاری ترقیاتی منصوبوں پر گہری نظریں رکھے ہوئے ہیں۔
ریاستی وزیر شبینہ یاسمن نے کہا کہ 'مالدہ ضلع کے تمام شہر اور بلاک میں وزیراعلیٰ ممتا بنرجی کے ترقیاتی منصوبوں کو عوام تک پہنچانے کی ہر ممکن کوشش کی جا رہی ہے۔
انہوں نے کہا کہ ہماری جانب سے عوام کو ترقیاتی منصوبوں تک رسائی کو زیادہ سے زیادہ آسان بنانے کی کوشش جاری ہے تاکہ کسی کو بھی کسی طرح کی پریشانی نہ ہو۔
ترنمول کانگریس رہنما کا کہنا ہے کہ ضلع کے تمام اعلیٰ افسران کو ترقیاتی منصوبوں کے لیے منعقد کئے جانے والے کیمپوں کو بغیر کسی دشواری کے اہتمام کرنے کی ہدایت دی گئی ہے۔
رکن اسمبلی شبینہ یاسمن نے کہا کہ اعلیٰ حکام کے ساتھ ساتھ ترنمول کانگریس کے تمام رہنماؤں کو اس کے لیے اضافی ذمہ داری اٹھانے کی ہدایت دی گئی ہے۔
انہوں نے کہا کہ تمام لوگ اگر اپنی اپنی ذمہ داری پوری ایمانداری سے نبھائیں تو ترقیاتی منصوبوں کے کیمپوں کے اہتمام میں کوئی دشواری پیش نہیں آ سکتی۔
