مغربی بنگال کے وزیر تعلیم پارتھو چٹرجی نے نامہ نگاروں سے گفتگو کرتے ہوئے کہا کہ ریاست کے تمام تعلیمی اداروں میں جلد سے جلد تعلیمی سرگرمیاں بحال کرنے کی کوشش کی جا رہی ہے۔
وزیر تعلیم پارتھو چٹرجی نے حالات کا مکمل طور پر جائزہ لینے کے بعد ریاست کے تمام تعلیمی اداروں کے 12 فروری تک کھولنے کا اشارہ دیا۔
انہوں نے کہا کہ مجھے اس کا احساس ہے کہ تعلیمی سرگرمیوں کو دوبارہ بحال کرنے کا بالکل مناسب وقت کا انتظار ہے۔
وزیر تعلیم نے کہا کہ ہم چاہتے ہیں کہ حالات کا مکمل جائزہ لینے کے بعد ہی تعلیمی اداروں میں دوبارہ تعلیمی سرگرمیاں بحال ہو کیونکہ بچوں کو اسکول تک پہنچنے میں ابھی کافی وقت لگ سکتا ہے۔
پارتھو چٹرجی نے کہا کہ پہلے مرحلے میں 9 ویں اور 10 ویں جماعت کے طلباء کو تعلیمی اداروں میں آنے کی اجازت ہو گی۔
انہوں نے کہا کہ حالات میں بہتری آنے کے بعد ہی دوسری جماعتوں کے طالبات کو تعلیمی اداروں میں داخلے کی اجازت دی جائے گی. اس کے بعد آہستہ آہستہ دیگر اداروں میں تعلیمی سرگرمیاں بحال کی جائے گی۔
واضح رہے کہ گزشتہ سال کورونا وائرس کی تصدیق کے بعد مارچ سے ہی مغربی بنگال میں تعلیمی سرگرمیاں معطل ہے۔ مرکزی حکومت کی ہدایت کے باوجود ممتا بنرجی کی قیادت والی ریاستی حکومت نے سرکاری تعلیمی اداروں میں تعلیمی سرگرمیاں بحال نہیں کی ہے۔
یہ بھی پڑھیں: کولکاتا: پارتھو چٹرجی نے ترنمول چھوڑنے والوں کو بتایا مفاد پرست
