مغربی بنگال کے دارالحکومت کولکاتا سے متصل شمالی 24 پرگنہ کے بدھان نگر میں واقع سالٹ لیک اسٹیڈیم میں ڈورنڈ کپ 2021 کے گروپ سی میں کیرالہ بلاسٹرس اور انڈین نیوی کے درمیان مقابلہ ہوا۔
انڈین سپر لیگ میں شاندار کارکردگی کا مظاہرہ کرنے والی کیرالہ بلاسٹرس کی ٹیم کو انڈین نیوی کے خلاف سخت آزمائش سے دوچار ہونا پڑا۔
پہلے ہاف کے اختتام تک اسٹار کھلاڑیوں پر مشتمل کیرالہ بلاسٹرس کی تمام تر کوششوں کے باوجود انڈین نیوی کے خلاف کوئی گول نہیں ہو سکا۔
یہ بھی پڑھیں:انگلینڈ کے تین کھلاڑیوں نے آئی پی ایل سے نام واپس لیا
دوسرے ہاف میں بھی کیرالہ بلاسٹرس اور انڈین نیوی کے درمیان مقابلہ دلچسپ اور سنسنی خیز مقابلہ جاری رہا۔ دونوں ٹیموں نے ایک دوسرے پر سبقت حاصل کرنے کے لئے تابڑ توڑ حملے کئے۔
کھیل کے 70 ویں منٹ پر ایڈرینو نکولس نے پنالٹی کے ذریعہ گول کرکے کیرالہ بلاسٹرس کو ایک صفر کی سبقت دلانے میں اہم رول ادا کیا۔
کھیل کے اختتام تک کیرالہ بلاسٹرس نے ایک صفر کی سبقت برقرار رکھتے ہوئے گروپ سی کے ایک اہم میچ میں جیت درج کرکے ڈورنڈ کپ 2021 میں اپنی مہم کا فاتحانہ آغاز کیا۔
