آرتھر کوسائی کے پانچ گول کی بد ولت محمڈن اسپو رٹنگ نے انڈین نیوی کو ایک یکطرفہ میچ میں چھ کے مقابلے دوگول سے شکست دے کر ڈرونڈ کپ 2019 میں بڑی جیت در ج کی ۔ اس جیت کی بد ولت محمڈن اسپو رٹنگ کے اگلے راؤنڈ میں کوالیفا ئی کرنے کے امکان روشن ہو گیا ہے۔
موہن بگان گراؤنڈ میں کھیلے گیے ڈرونڈ کپ 2019 کے گروپ سی میں محمڈن اسپو رٹنگ اور انڈین نیوی کی ٹیمیں آمنے سامنے ہوئی۔
پہلے ہاف میں محمڈن اسپو رٹنگ کو انڈین نیوی کے خلاف سخت چیلنج کا سامنا کرنا پڑا۔ دونوں ٹیموں کی بھر پور کوشش کے باوجود کوئی گول نہیں ہوسکا۔
دوسر ے ہاف میں محمڈن اسپو رٹنگ نے جارحانہ کھیل کامظاہرہ کر تے ہوئے انڈین نیوی کو آ ؤٹ کلاس کردیا۔ کھیل کے 55 ویں منٹ پر آ رتھر کوسائی نے گول کرکے محمڈن اسپو رٹنگ کو ایک صفر کی سبقت دلائی۔
آرتھر کوسائی نے 720 ویں ،76 ویں ،85 ویں اور 90 ویں منٹ پر لگاتارچار گول کر کے محمڈن اسپو رٹنگ کو پا نچ صفر کی ناقابل تسخیر سبقت دلائی۔ کھیل کے 61 ویں منٹ پر موڈے موسیٰ نے محمڈن اسپو رٹنگ کے لیے چھٹا گول کیا۔
انڈین نیوی کی جانب سے بریٹو نے 71 ویں اورانجوری ٹائم میں دوگول کیا۔
ڈرونڈ کپ میں محمڈن اسپورٹنگ کی بڑی جیت پر سیاسہ سفیدجرسی والی ٹیم کے شیدائیوں نے جم کر جشن منایا ۔
