مغربی بنگال کے کوچ بہار ضلع پولیس سپرنٹنڈنٹ للٹو ہلدار نے کہا کہ کسی بھی انجان نمبر سے آنے والے ویڈیو کال کو اٹھانے کی غلطی نہ کریں۔کوئی بھی عام آدمی اگر ایسی غلطی کرتا ہے تو اسے سنگین نتائج کا خمیازہ بھگتنا پڑ سکتا ہے۔اس سے ہوشیار رہنے کی ضرورت ہے۔
انہوں نے کہا کہ مغربی بنگال کی پولیس عوام ہر ممکن مدد کرنے کے لئے تیار ہے۔عوام کو پولیس سے اس ضمن میں رابطہ کرنے کی ضرورت ہے۔پولیس سپرنٹنڈنٹ نے کہا کہ پریس کانفرنس طلب کرنے کا خاص اور واحد مقصد عوام کو اس مقصد سے آگاہ کرنا ہے۔مغربی بنگال پولیس کے ساتھ ہے اور رہے گی۔
معاملہ یہ ہے کہ دیر رات کو انجان نمبر سے ویڈیو کال کیا جا رہا ہے۔اگر کوئی شخص پہلی مرتبہ اٹھا نہیں پایا تو اسے دو تین بار بار کیا جا رہا ہے تاکہ وہ فون اٹھانے کے لئے مجبور ہو جاے۔یہ کھیل تین سے چار سیکنڈ کا ہے۔فون کال اٹھانے والوں کی تصویر انجان شخص کے پاس پہنچ جا رہی ہے اور اس کا غلط استعمال کیا جا رہا ہے۔
مغربی بنگال کے ضلع کوچ بہار میں دو تین معاملوں کی شکایت درج کرائی گئی ہے۔پولیس نے پورے معاملے کو سنجیدگی سے لیکر تفتیش شروع کر دی۔بتایاگیا کہ تفتیش کے دوران کئی حیران کر دینے والی سچ سامنے آئے۔ اس لئے ریڈ الرٹ جاری کیا گیا ہے۔پولیس سپرنٹنڈنٹ نے کہا کہ مغربی بنگال کی عوام کو زیادہ تر کال ہریانہ اور پنجاب سے آ رہے ہیں۔مغربی بنگال سائبر سیل اس معاملے کی تفتیش کر رہی ہے۔
یہ بھی پڑھیں:رکن اسمبلی فیروزہ بی بی کے خلاف کارروائی کے بعد ترنمول پر تنقید
