مغربی بنگال میں منعقد ہونے والے اسمبلی انتخابات 2021 کی تیاریاں جاری ہے۔
حکمراں جماعت ترنمول کانگریس سمیت تمام سیاسی جماعتوں کی تگ و دو کے درمیان الیکشن کمیشن کے اعلی عہدیداروں کے دورے بھی جاری ہیں۔
ڈپٹی الیکشن کمشنر سدیپ جین نے کہا کہ اسمبلی انتخابات کو پرُامن طریقے سے کرانے کی تمام تر کوشش کی جا رہی ہے۔
انہوں نے کہا کہ ضلع مجسٹریٹ، ضلع پولیس، سپرنٹنڈنٹ سمیت تمام اعلی عہدیداروں سے ملاقات کے دوران تبادلہ خیال کر کے حالات کا جائزہ لیا جا رہا ہے۔
اگلے چند دنوں کے دوران الیکشن کمیشن کے سربراہ سنیل اروڑہ بھی مغربی بنگال کے دورے پر آنے والے ہیں۔
الیکشن کمیشن کے سربراہ سنیل اروڑہ مغربی بنگال کے دورے کے دوران ریاست کے تمام اعلی پولیس افسران اور گورنر جگدیپ دھنکر سے بھی ملاقات کریں گے۔
ریاستی الیکشن کمیشن کے سی ای او عارف آفتاب کا کہنا ہے کہ ڈپٹی الیکشن کمشنر سدیپ جین بنگلہ دیش کی سرحد سے متصل اضلاع کے دورے پر ہیں۔
انہوں نے کہا کہ سرحدی اضلاع کے پولنگ مراکز کے سکیورٹی انتظامات کو پہلی ترجیح دی جا رہی ہے اور اسی سلسلے میں اعلی حکام سے
تبادلہ خیال کیا جا رہا ہے۔
مزید پڑھیں:
'ممتابنرجی اور پارٹی سے معافی مانگتا ہوں'
واضح رہے کہ ڈپٹی الیکشن کمشنر سدیپ جین جمعہ کو مالدہ ضلع کے چار ڈویژن مرشدآباد، شمالی دیناج پور اور جنوبی دیناج پور کے دورے پر گئے تھے۔
