مغربی بنگال اسمبلی میں قائد حزب اختلاف اور کانگریس کے سینئر رہنما عبدالمنان نے کانگریس کی کارگزار صدر سونیا گاندھی سے مطالبہ کیا ہے کہ مغربی بنگال پردیش کانگریس کمیٹی کی صدارت کی ذمہ داری رکن پارلیمان اور کانگریس کے رہنما ادھیر رنجن چودھری کو سونپا جائے۔ 30 جولائی کو سینئر کانگریسی رہنما سومن مترا کے انتقال کے بعد سے ہی ریاستی کانگریس کے صدر کا عہدہ ایک ماہ سے زیادہ عرصہ سے خالی ہے۔ اس عہدہ کے لیے پارٹی کو ایک ایسے رہنما کی تلاش ہے جو سنہ 2021 کے اسمبلی انتخاب میں پارٹی کی قیادت سنبھال سکے۔
بنگال ٹیکسی آپریٹرز یونین کا 21 ستمبر کو ہڑتال کا اعلان
سومترا سے قبل کانگریس کی کمان ادھیر رنجن چودھری کے پاس ہی تھی مگر کئی رہنماؤں کی ناراضگی اور کانگریس میں بھگدڑ کے بعد انہیں اس عہد ہ سے ہٹاکر سینئر کانگریسی رہنما عبدالمنان کو پارٹی کی کمان سونپ دی گئی تھی۔ عبدالمنان نے سونیا گاندھی کو خط لکھ کر کہا ہے کہ گذشتہ ایک مہینے سے پارٹی کی صدارات کا عہدہ خالی ہے۔ اس کی وجہ سے پارٹی کا کام متاثر ہو رہا ہے۔
ادھیر رنجن چودھری تجربہ کار رہنما ہیں اور اس سے قبل بھی وہ پارٹی کی صدارت سنبھال چکے ہیں۔ اس لیے انہیں عہدہ سونپا جائے۔ تاہم عبدالمنان نے اس کے بارے میں عوامی سطح پر کچھ بھی کہنے سے انکار کیا ہے۔
