بھارت کیلئے بین الاقوامی کرکٹ کھیل چکے اور بنگال رنجی ٹرافی ٹیم کے اہم تیز گیند باز وں میں سے ایک اشوک ڈنڈا کو سلیکٹروں نے ڈسپلن شکنی کی وجہ سے 16رکنی ٹیم سے باہر کردیا ہے۔
سمجھا جاتا ہے کہ دائیں ہاتھ کے گیند باز ڈنڈا کو ٹیم کے گیند بازی کوچ رندیب بوس کے ساتھ گالی گلوچ کی جس کی وجہ سے انہیں باہر کا راستہ دکھایا گیا ہے۔
ٹیم کے کپتان ابھیمنیو ایشورن اور بوس مشق کے بعد ٹیم کی میٹنگ میں آپس میں بات چیت کررہے تھے جس دوران ڈنڈا نے بوس کو الٹے سیدھے الفاظ کہے۔
بنگال کرکٹ ایسوسی ایشن (سی اے بی) کے ذرائع کے مطابق ڈنڈا کو بعد میں گیند بازی کوچ سے معافی مانگنے کے لئے شام تک کا وقت دیا گیا لیکن انہوں نے ایسا نہیں کیا جس کی و جہ سے سی اے بی نے انہیں ٹیم سے باہرکردیا ہے۔
اس ڈسپلن شکنی کی وجہ سے ڈنڈا کو رنجی مقابلے کے پورے سیزن باہر رہنا پڑ سکتا ہے۔
خیال رہے کہ ڈنڈا مشتاق علی ٹی۔20ٹورنامنٹ سے بھی باہر رہے تھے۔ ڈنڈا ٹیم کے اہم تیز گیند باز وں میں سے ایک ہیں اور وہ یقینی طورپر آخری گیارہ میں شامل ہوتے۔
