بالی وڈ اداکارہ انوشکا شرما بھارت کی مشہور خاتون کرکٹر جھولن گوسوامی کا کردار نبھائیں گی۔
انوشکا شرما طویل عرصہ سے فلم انڈسٹری سے دور ہیں اور ان کے مداح کافی عرصہ سے ان کی اگلی فلم کا انتظار کررہے ہیں۔
انوشکا جلد ہی اپنی نئی فلم کا اعلان کرسکتی ہیں اور ایسا خیال ہے کہ وہ کرکٹر کے کردار میں نظر آئیں گی۔ حال ہی میں وہ کولکاتہ کے ایڈن گارڈن میں جھولن گوسوامی سے بات کرتی ہوئی دکھائی دی تھیں۔
کہا جارہا ہے کہ انوشکا انڈین کرکٹ ٹیم کی سابق کپتان جھولن گوسوامی کا کردار نبھائیں گی۔
انوشکا کے شوہر وراٹ کوہلی خود کرکٹر ہیں اور ایسی صورتحال میں انوشکا کو اس کردار میں دیکھنا دلچسپ ہوگا۔ وہ جلد ہی اپنی فلم کا باضابطہ اعلان کر سکتی ہیں۔
