مغربی بنگال سی پی آئی ایم کے رہنما محمد سلیم نے درگا پوجا کے دوران پنڈالوں میں عام لوگوں کے داخلے پر روک لگانے کے فیصلے کو جائز قرار دیتے ہوئے ترنمول کانگریس کو ہدف تنقید بنایا.
انہوں نے کہا کہ ترنمول کانگریس کی سربراہ ممتا بنرجی درگا پوجا کو لے کر سیاست کر رہی تھی.
کلکتہ ہائی کورٹ نے ٹھوس فیصلہ کر کے ان کی سیاست بند کردی. عدالت کا فیصلہ بالکل درست ہے. اس سے نہ جانے کتنے لوگ پریشانیوں سے بچ گئے.
محمد سلیم نے کہا کہ کورونا وائرس کے درمیان وزیراعلی ممتا بنرجی کس بنیاد پر درگا پوجا کی اجازت دی. یہ سب سیاست کے لئے کیا جا رہا ہے.
انہوں نے کہا کہ ممتابنرجی کی پارٹی ترنمول کانگریس اور بی جے پی میں کوئی فرق نہیں ہے. دونوں مذہب کے نام پر سیاست کر رہیں ہیں.
ممتا کی حکومت عوامی حمایت کھو چکی ہیں اس لئے مذہب کے نام پر سیاست کا سہارا لے ر
ہی ہیں. اگلے اسمبلی انتخابات میں انہیں اور بی جے پی کو اچھی طرح سے سمجھ میں آئے گا.
محمد سلیم نے کہا کہ بی جے پی کی قیادت والی مرکزی حکومت کورونا وائرس پر قابو پانے میں پوری طرح سے ناکام ثابت ہوئی ہے.
ملک میں تیزی سے کورونا وائرس پھیل رہا ہے. اس پر قابو پانے کے لئے مرکزی حکومت کے پاس کوئی ٹھوس منصوبہ نہیں ہے.
وزیراعظم کے کورونا ویکسن مفت تقسیم کرنے کے اعلان سے اس بیماری پر قابو پایا نہیں جا سکتا ہے.
وآضح رہے کہ پولیٹ بیورو کے رکن محمد سلیم مشرقی مدنی پور ضلع میں ڈیجیٹل ویب پورٹل کی افتتاحی تقریب میں شرکت کے لئے پہنچے تھے.
