مغربی بنگال کی وزیراعلیٰ ممتابنرجی نے سکریٹریٹ بلڈنگ نبنو میں پریس کانفرنس کے دوران کہاکہ ریاست میں کوروناوائرس سے متاثر 12 مریضوں کی نشاندہی کی گئی ہے ۔
اس طرح ریاست میں کووڈ۔19 سے متاثرہ مریضوں کی تعداد 80 تک پہنچ چکی ہے جبکہ تین افراد صحتیاب ہوکر اپنے گھر واپس چلے گئے ہیں۔ ہسپتال سے ڈسچارج ہونے والے مریضوں کی تعداد میں اضافہ ہونے کا امکان ہے۔
بنگال میں کورونا وائرس کے مریضوں سے متعلق وزیراعلیٰ نے کہا کہ بنگال میں اب تک کورونا کے 80معاملے سامنے آئے ہیں جب کہ پانچ افراد کی موت ہوئی ہے۔
وزیراعلیٰ نے کہا کہ بیلیا گھاٹا آئی ڈی اسپتال میں داخل تین مریض کو جلد ہی اسپتال سے ڈسچارج کیاگیا ہے ۔ان کی رپورٹ منفی آئی ہے۔اس کے علاوہ سرکاری اسپتال میں داخل دو اورمریض صحتیاب ہوئے ہیں۔
وزیراعلیٰ نے کہا کہ 30ڈاکٹر، پانچ نرسنگ اسٹاف اور چار ٹیکنیکل اسٹاف جن کا تعلق این آر ایس میڈیکل کالج سے ہے کی رپورٹ منفی آئی ہے۔
ان لوگوں کو قرنطینہ میں رکھا گیا تھا۔39ڈاکٹر سمیت 79افراد اور نرسوں و ٹیکنیکل اسٹاف کے ایک گروپ کو قرنطینہ میں رکھا گیا تھا۔جب کہ دیگر افراد کی رپورٹ کا انتظار کیا جارہا ہے۔
