مغربی بنگال میں کورونا وائرس کی دوسری لہر کے سبب نئے کیسز میں تشویشناک اضافہ ہوا ہے۔ ریاست میں کورونا وائرس کے یومیہ کیسز کی تعداد دس ہزار سے تجاوز کر گئی ہے جبکہ گزشتہ چوبیس گھنٹوں کے دوران اس بیماری کی وجہ سے 58 لوگوں کی موت ہوئی ہے۔
ریاست میں گزشتہ چوبیس گھنٹوں کے دوران 10 ہزار 87 کورونا وائرس کے نئے کیسز کی تصدیق ہوئی ہے جبکہ اس دوران 58 لوگوں کی موت ہوئی ہے۔
واضح رہے کہ مغربی بنگال میں پہلے دو دنوں تک کورونا وائرس کے نئے کیسز کی تعداد ساڑھے آٹھ ہزار تھی لیکن چوبیس گھنٹوں کے دوران کورونا وائرس کی تعداد میں غیر معمولی طور پر اضافہ ہوا ہے۔
غور طلب ہے کہ گزشتہ چھ ماہ میں کورونا وائرس کے نئے کیسز کی یہ سب سے بڑی تعداد ہے۔ 28، 29 دنوں قبل کورونا وائرس کے یومیہ کیسز دس سے بارہ ہوا کرتا تھا لیکن آج اس کی تعداد ساڑھے دس ہزار تک پہنچ گئی ہے۔
مغربی بنگال میں کورونا وائرس کے مریضوں کی کل تعداد چھ لاکھ 77 ہزار ہے جبکہ اس بیماری سے اب تک تقریبا گیارہ ہزار لوگوں کی موت ہو چکی ہے۔ محکمہ صحت کا کہنا ہے کہ کورونا وائرس کی دوسری لہر کے سبب حالات مزید سنگین ہو گئے ہیں۔ عام لوگوں کو پہلے سے زیادہ احتیاط برتنے کی ضرورت ہے۔
واضح رہے کہ مغربی بنگال میں کورونا وائرس کی دوسری لہر کا اثر اب ریاست کے تمام اضلاع میں دکھائی دینے لگا ہے۔ اسمبلی انتخابات کی انتخابی مہم میں شرکت کرنے والے سے لے کر کانگریس کے امیدوار ریاض الحق اور آر ایس پی کے امیدوار پردیپ نندی کی کورونا وائرس سے موت ہو چکی ہے۔ اس کے علاوہ نصف درجن سے زائد سیاسی رہنما کورونا مثبت پائے جانے کی وجہ سے خود کو کورنٹائن کر چکے ہیں۔
