'سندھیا کا جانا ہمارے لئے سب سے بڑا نقصان'

کانگریس کےسینیئر رہنما ادھیر رنجن چودھری نے کہا کہ 'جیوتی رادیتہ سندھیا کا پارٹی چھوڑ کر جانا ہمارے لئے سب سے بڑا نقصان ہے۔ اس کو تسلیم کرنے میں کوئی برائی نہیں ہے۔'

مغربی بنگال کے مرشد آباد ضلع کے بہرامپورسے کانگریس کے رکن پارلیمان ادھیر رنجن چودھری نے کہا کہ 'بی جے پی کی توڑ جوڑ کے سبب کانگریس کو کمزور کرنے کی سازش کی جارہی ہے۔'

انہوں نے کہا کہ 'جیوتی رادتیہ سندھیا کے پارٹی چھوڑ کر جانے سے کانگریس کو سب سے زیادہ نقصان ہوا ہے۔ ایسا نقصان ہوا ہے جس کی بھر پائی نہیں ہو سکتی ہے۔'

کانگریس کے رہنما کا کہنا ہے کہ 'سندھیا کی وجہ سے مدھیہ پردیش میں کانگریس کی قیادت والی حکومت محفوظ نہیں ہے اور کسی بھی وقت گر سکتی ہے۔'

کانگریس کے رکن پارلیمان کا کہنا ہے کہ 'مدھیہ پردیش میں کانگریس قیادت والی ریاستی حکومت محفوظ نہیں ہے، کسی بھی وقت کچھ بھی ہو سکتا ہے۔ یہ سچائی ہے۔ اس پر پردہ ڈالا نہیں جا سکتا ہے۔'

'سندھیا کا جانا ہمارے لئے سب سے بڑا نقصان'

انہوں نے کہاکہ بی جے پی کی سیاست اپویشن پارٹیوں کو نقصان پہنچاناہے۔ بی جے پی نے توڑ جوڑ کر سیاست کررہی ہے۔ جن ریاستوں میں کانگریس کی حکومت ہے ان کے ارکان اسمبلی کو سنہرے خواب دکھا کر پارٹی چھوڑنے پر مجبور کیا جارہا ہے ۔ مدھیہ پردیش اس کی عمدہ مثال ہے

واضح کانگریس رہنما اور سابق مرکزی وزیر جیوترادتیہ سندھیا نے منگل کے روز پارٹی کی ابتدائی رکنیت سے استعفی دے دیا۔

مسٹر سندھیا نے کانگریس کی عبوری صدر سونیا گاندھی کو بھیجے گئے اپنے خط میں لکھا کہ وہ گزشتہ 18 برسوں سے پارٹی کے ابتدائی رکن تھے۔

اب وقت آگیا ہے کہ میں پارٹی کو الوداع کہہ دوں۔ میں پارٹی کی ابتدائی رکنیت سے اور انڈین نیشنل کانگریس سے استعفی دے رہا ہوں۔

انہوں نے ٹوئٹر پر بھی اپنا استعفی نامہ پوسٹ کیا ہے جس میں محترمہ گاندھی اور پارٹی کے سبھی ساتھیوں کا شکریہ ادا کیا ہے۔

اس سے قبل مسٹر سندھیا نے آج مرکزی وزیر داخلہ امت شاہ سے ملاقات کی اور اس کے بعد دونوں وزیراعظم نریندر مودی سے ملنے ان کی رہائش گاہ پر گئے۔