Congress and CPIM Slam Ruling Party TMC Over Horse Trading: دل بدلی کے کھیل میں ترنمول کانگریس کی مذمت

ریاست کے مختلف اضلاع میں سیاسی رہنماؤں کے دل بدل کے کھیل کو لے کر سی پی آئی ایم اور کانگریس نے حکمراں جماعت ترنمول کانگریس کی شدید مذمت کی۔ Congress and CPIM Slam Ruling Party TMC Over Horse Trading

کولکاتا: مغربی بنگال میں دل بدل کے کھیل (horse treding) سیاست کا اہم حصہ بن چکا ہے اور آئے دن سیاسی رہنماؤں کے ایک پارٹی کو چھوڑ کر دوسری سیاسی جماعت میں شامل ہونے کی اطلاع موصول ہوتی ہے. ریاست میں دل بدل کے کھیل میں حکمراں جماعت ترنمول کانگریس اور بی جے پی کے رہنما ہی شامل ہوتے ہیں.ان ہی دونوں پارٹیوں کے درمیان یہ کھیل گزشتہ سال 2021 اسمبلی انتخابات سے پہلے شروع ہوا تھا. اسی درمیان ریاست کے مختلف اضلاع میں سیاسی رہنماؤں کے دل بدل کے کھیل کو لے کر سی پی آئی ایم اور کانگریس نے حکمراں جماعت ترنمول کانگریس کی جم کر مذمت کی۔ Congress and CPIM Slam Ruling Party TMC Over Horse Trading

سی پی آئی ایم کے رہنما ڈاکٹر فواد حلیم نے ای ٹی وی بھارت سے گفتگو کرتے ہوئے کہا کہ مغربی بنگال میں سیاست کا یہ حال ایسا نہیں تھا. لیکن ترنمول کانگریس اور بی جے پی کی وجہ سے سیاست کا معیار گر چکا ہے. انہوں نے کہا کہ پوری ریاست میں ترنمول کانگریس اور بی جے پی ہی دو ایسی جماعتیں ہیں جو دل بدل کے کھیل کے حصے ہیں. ایک رہنما ترنمول کانگریس کو چھوڑ کر بی جے پی میں شامل ہوتا ہے وہ ہی رہنما پھر بی جے پی کو چھوڑ کر ترنمول کانگریس میں دوبارہ شمولیت اختیار کرتا ہے. دونوں میں کوئی فرق نہیں ہے۔ یہ بھی پڑھیں:

آل انڈیا کانگریس نیشنل ٹریڈ یونین مغربی بنگال کے صدر قمرالزماں قمر نے ای ٹی وی بھارت سے گفتگو کرتے ہوئے کہا کہ ترنمول کانگریس اور بی جے پی دو سکے کے ایک ہی پہلو ہے. دونوں میں کوئی فرق نہیں ہے. انہوں نے کہا کہ دونوں پارٹیاں ایک ہی گھر کے کرائے دار ہیں. ترنمول کانگریس کے جس دروازے سے پارٹی کو چھوڑ کر بی جے پی میں شامل ہوتے ہیں ٹھیک اسی دروازے سے بی جے پی کے رہنما ویسی دروازے کے ذریعہ ترننول میں دوبارہ شامل ہوتے ہیں. اس سے ہی ثابت ہوتا ہے کہ دونوں میں زیادہ فرق نہیں ہے۔