لاک ڈاؤن کے دوران کولکاتا شہر میں حالات کا جائزہ لینے کے لیے آج وزیر اعلی ممتا بنرجی نے مختلف علاقوں کا دورہ کیا۔
وزیر اعلی ممتا بنرجی نے کولکاتا شہر کے پارک سرکس،راجا بازار،ٹنگرا، توپسیا بائی پاس اور دوسری جگہوں پر جاکر خود حالات کا جائزہ لے لی اور لوگوں سے گھروں میں رہنے کی اپیل کررہی ہیں۔
اس کے علاوہ جگہ جگہ رک کر وزیر اعلی ممتا بنرجی نے مائک کے ذریعےخطاب بھی کیا۔
وزیر اعلی ممتا بنرجی کا کہنا ہے کہ 'ضروری اشیاء کے دکانیں کھلی ہیں ایسا بھارت میں پہلی بار ہوا ہے مرکزی حکومت نے ہمیں لاک ڈاؤن کرنے کو کہا ہے۔آپ لوگوں کو تکلیف ہورہی ہے لیکن لاک ڈاؤن نہایت ضروری ہے'۔
انھوں نے کہا ہے کہ 'جن لوگوں کے پاس کھانے کے لئے کچھ نہیں ہے وہ پولس کو خبر کریں آپ کے پاس کھانا پہنچا دیا جائے گا۔ اس کے علاوہ اگر کو ئی بیمار پڑتا ہے، اس کے پاس علاج کے لئے پیسہ نہیں ہیں تو وہ پولس کو فون کرے'۔
انہوں نے لوگوں سے خطاب کرتےہوئے کہا کہ 'کورونا وائرس سے خوف زدہ ہونے کی ضرورت نہیں بلکہ بیدار رہنے کی ضرورت ہے۔ آپ لوگ ہمیشہ ماسک پہنے رہیں دستانوں کا استعمال کریں اور ہاتھ دھونے کی عادت ڈالیں'۔
توپسیا بائی پاس کے پاس کنسٹرکشن کا کام کرنے والے مزدوروں سے انہوں نے بات کی اور ان کو ماسک اور دستانے بھی دیئے۔
واضح رہے کہ ریاست میں لاک ڈاؤن کی صورت حال پر بی جے پی سوال اٹھا رہی ہے اس کے علاوہ مرکزی حکومت کا وفد بھی لاک ڈاؤن کا جائزہ لینے کے لئے ریاست کے دورے پر ہے، جس پر وزیراعلی ممتا بنرجی نے حیرت کا اظہار بھی کیا ہے۔
مغربی بنگال کی وزیر اعلی ممتا بنرجی نے وزیراعظم نریندر مودی کو اس سلسلے میں خط بھی لکھا ہے۔
