مغربی بنگال کے ندیا ضلع کے راناگ اٹھانے میں عوامی جلسے کو خطاب کرتے ہوئے ممتا بنرجی نے کہا کہ بی جے پی شہریت ترمیمی ایکٹ کے نام پر سیاست کر رہی ہے۔
ویراعلی ممتا بنرجی نے کہا کہ متوا سماج کے لوگ پہلے سے ہی بھارتی شہری ہیں اور انہیں شہریت کے نام پر گمراہ کرنے کی کوئی ضرورت نہیں ہے۔
ملک میں رہنے والا ہر شخص بھارتی شہری ہے۔ ایک بھارتی شہری کو دو مرتبہ شہریت دینے کی کیاضرورت ہے۔
بھارت میں رہنے والے متوا سماج کے تین کروڑ سے زائد لوگ ووٹ دیتے ہیں،ان کے پاس راشن کارڈ ہے اور تمام تر سرکاری ترقیاتی منصوبوں سے فائدہ حاصل کرتے ہیں۔
باوجود اس کے انہیں شہریت ترمیمی ایکٹ کے نام پر ڈرا دھمکا یا جاتا ہے۔ انہیں ذہنی طور پر پریشان کیا جاتا ہے۔ آخر کب تک یہ سب چلتا رہے گا۔انہوں نے کہا کہ متوا سماج کے لوگوں جب ووٹ ڈالنے کا حق حاصل ہے۔ان کے ووٹوں کی بدولت بی جے پی کے دو دو رکن پارلیمان پارلیمنٹ پہنچے تو پھر ان کی شہریت پر سوال کیوں؟
بی جے پی کے اعلیٰ رہنما متوا سماج کے لوگوں کے ووٹ بھی حاصل کرتے ہیں اور انہیں بھارتی شہریت دلانے کی بات بھی کرتے ہیں۔
اس کا مطلب یہ ہوا کہ متوا سماج کے لوگوں کو شہریت ترمیمی ایکٹ کے نام پر گمراہ کیا گیا۔
یہ بھی پڑھیں: ترقیاتی منصوبوں اور سی اے اے پر بحث الیکشن تک: ادھیر رنجن
