کولکاتا:مغربی بنگال کے دارالحکومت کولکاتا میں واقع کلکتہ ہائی کورٹ نے منگل کو پنچایتوں سے متعلق کئی مقدمات میں فیصلہ سناتے ہوئے کہا کہ شہری رضاکاروں(سیوک پولس) کو پولنگ کے کسی بھی مقصد کے لیے استعمال نہیں کیا جا سکتا۔ ریاستی حکومت کے پاس ہدایات ہیں کہ وہ کس قسم کے کام کے لیے استعمال کیے جا سکتے ہیں۔ انہیں اسی ہدایت کے مطابق استعمال کیا جانا چاہئے۔ عدالت نے کہا کہ اگر مرکزی فورسز دستیاب نہیں ہیں تو ریاستی پولیس مناسب سیکورٹی فراہم کرے گی۔
اس سے قبل اپوزیشن جماعتوں نے انتخابی سرگرمیوں میں شہری رضاکاروں کے استعمال کے خلاف عدالت میں عرضی دائر کی تھی ۔ ڈومکل میں شہری رضاکاروں کو لاٹھیوں کے ساتھ دیکھا گیا۔ ڈومکل میںپرچہ نامزدگی جمع کرانے کے دوران سیوک پولس اہلکار کو حالات سنبھالتے ہوئے دیکھا گیا تھا۔ اس کے علاوہ ہائی کورٹ نے پہلے واضح حکم دیا تھا کہ شہری رضاکاروں کو امن و امان کے لیے استعمال نہیں کیا جا سکتا۔اس کے علاوہ اپوزیشن لیڈر سبیندو ادھیکاری نے سنگین الزام لگایا حالانکہ ترنمول ان تمام حملوں پر کوئی خاص توجہ نہیں دینا چاہتی تھی۔
یہ بھی پڑھیں:Mamata on Odisha Train Accident وزیر اعلیٰ ممتا بنرجی کا لاپرواہی برتنے والوں کے خلاف کارروائی کا مطالبہ
دوسری طرف کلکتہ ہائی کورٹ نے آج کہا ہے کہ پنچایت انتخابات میں سیکورٹی کے لیے مرکزی فورسز کو تعینات کرنے کی ضرورت ہے۔ تاہم، عدالت نے نامزدگی کی مدت میں اضافہ کرنے کے فیصلے کو ریاستی الیکشن کمیشن پر چھوڑ دیا ہے۔ ہائی کورٹ کے چیف جسٹس کی ڈویژن بنچ نے یہ فیصلہ کرنے کی ذمہ داری ریاستی الیکشن کمیشن پر چھوڑ دی کہ آیا نامزدگی کی مدت میں توسیع کی جائے۔
کلکتہ ہائی کورٹ کے چیف جسٹس بنچ کے سامنے مفاد عامہ کی عرضی دائر کی گئی تھی جس میں پنچایتی انتخابات کی تاریخ اور وقت سے متعلق ریاستی الیکشن کمیشن کے جاری کردہ نوٹیفکیشن کو چیلنج کیا گیا تھا۔ جمعہ اور پیر کو اس کیس کی سماعت کے بعد فیصلہ ملتوی کر دیا گیا۔
یو این آئی
