مغربی بنگال کی کلکتہ ہائی کورٹ کے جسٹس راج شیکھر موینتی نے بنکشال کورٹ کے فیصلے کے خلاف عرضی پر سماعت کرتے ہوئے کہا کہ 'کانگریس کے رہنما ششی تھرور کی گرفتاری کا وارنٹ خارج کیا جا رہا ہے۔ ان کی گرفتاری نہیں ہو سکتی ہے۔'
جسٹس راج شیکھرموہنتی کے مطابق بنکشال کورٹ کی جانب سے گرفتاری کا وارنٹ جاری کیا گیا تھا، اس پر کارروائی نہیں کی جا سکتی ہے۔ کانگریس کے رہنما کواگلی سماعت تک گرفتار نہیں کیا جا سکتا ہے۔
ششی تھرور کے وکیل ردھی راج گھوشال کا کہنا ہے کہ کلکتہ ہائی کورٹ کے جسٹس راج شیکھرموہنتی نے عرضی پر آئندہ چھ ہفتوں تک عرضی پر سماعت پر روک لگانے کا حکم دیا ہے۔ ہمیں عدالت پرپورا بھروسہ تھا اورفیصلے سے ہم خوش ہیں۔
اس کے علاوہ جسٹس نے یہ بھی کہا ہے کہ جب تک کیس کی مکمل جانچ نہیں ہوگی، اس وقت تک نچلی عدالت ششی تھرور کے خلاف گرفتاری کا وارنٹ جاری نہیں کرسکتی ہے۔ اگلے چھ ہفتوں تک اس مقدمے پرسماعت بھی نہیں کی جائے گی۔
وکیل گھوشال نے مزید کہا کہ میرے موکل کے خلاف کئی مقدمات دائر کیے گیے ہیں جن میں سب سے اہم ملکی وقارکومجروح کرنا ہے۔ اس کے خلاف ہم نے کلکتہ ہائی کورٹ میں جانے کا فیصلہ کیا۔
انہوں نے کہا کہ انتخابی جلسے کے دوران بیان بازی پرمقدمہ دائر نہیں کیا جا سکتا ہے۔ اسی بنیاد پر ہم نے کیس کو خارج کرنے کا مطالبہ کیا ہے۔
واضح رہے کہ کانگریس کے رہنما ششی تھرور نے گزشتہ سال 18 جولائی 2018 کو ایک انتخابی جلسے کو خطاب کرتے ہوئے کہا تھا کہ اگر بھارتیہ جنتا پارٹی اقتدار میں دوبارہ آ تی ہے تو بھارت ہندو پاکستان بن جائے گا۔
بنگال کے وکیل سمت چودھری نے ششی تھرور کے اسی بیان کو موضوع بنا کر بنکشال کورٹ میں ملک کے وقار مجروح کرنے کا مقدمہ دائر کیا تھا۔ بنکشال کورٹ عرضی پر سمات کرتے ہوئے 13 اگست کوششی تھرور کے خلاف گرفتاری کا وارنٹ جاری کیا تھا۔
