کولکاتا:مغربی بنگال الیکشن کمیشن نے قومی انسانی حقوق کمیشن کے خلاف ہائپر ایکٹیوٹی کے الزامات کو چیلنج کرتے ہوئے ہائی کورٹ میں ایک مقدمہ دائر کیا تھا۔ کیس میں یہ دعویٰ کیا گیا تھا کہ ایک قانونی ادارہ اس طرح سے دوسرے قانونی ادارے کی نگرانی نہیں کر سکتا ہے۔ ریاستی الیکشن کمیشن کا دعویٰ ہے کہ صرف الیکشن کمیشن کے پاس ہی کسی بھی قسم کے مبصر کی تقرری کا اختیار ہے۔ جمعہ کو جسٹس سبیاساچی بھٹاچاریہ کی ڈویژن بنچ نےکمیشن کے درخواست کی سماعت کی۔ سماعت کے بعد ہائی کورٹ نے ریاستی الیکشن کمیشن کے بیان کو برقرار رکھا۔
2021 کے اسمبلی انتخابات میں کون سے علاقے سب سے زیادہ ہنگامہ خیز ہوئے، اس رپورٹ پر کل بحث کی گئی۔ فی الحال ریاستی الیکشن کمیشن کے ہاتھ میں جو رپورٹ ہے، اس میں ریاستی الیکشن کمیشن خاص طور پر جنوبی 24 پرگنہ، مشرقی مدنی پور، شمالی 24 پرگنہ، کوچ بہار، جلپائی گوڑی میں مرکزی فورسز کی تعیناتی کو لے کر محتاط ہے۔
یہ بھی پڑھیں:Governor CV Anand Bose ریاستی الیکشن کمشنر کے کام کاج سے گورنر مایوس
کمیشن کے مطابق ان اضلاع میں زیادہ سے زیادہ تعداد میں مرکزی فورسز کی تعیناتی کی جائے گی ۔ بنیادی طور پر ہوم سکریٹری، اے ڈی جی لا اینڈ آرڈر کے ساتھ میٹنگ میں،اس بات پر تبادلہ خیال کیا گیا کہ کس ضلع میں زیادہ سنٹرل فورسز کی ضرورت ہے، جس ضلع میں کم تعداد میں مرکزی فورسز کے ساتھ کنٹرول ممکن ہے۔
