ہر درشن سنگھ ناگپال نام کے ایک شخص نے دھمکی دی ہے کے 30 ستمبر کو کولکاتا ہائی کورٹ کو دھماکے کرکے اڑا دیگا۔ جس کے بعد مرکزی داخلہ امور کے چیف سکریٹری کو خط لکھ کر رجسٹرار جنرل رابندر سامانتا نے اس کی اطلاع دی ہے۔
خط میں مرکزی داخلہ دفتر کو یہ کہا گیا ہے کہ ہائی کورٹ کو گزشتہ 9 ستمبر کو ایک خط موصول ہوا تھا۔
خط بھیجنے والے کا نام ہر درشن سنگھ ناگپال ہے۔ جس میں اس نے دعویٰ کیا ہے کہ وہ اور اس کا بیٹا آئندہ 30 ستمبر کو کولکاتہ ہائی کورٹ کی عمارت کومتعدد بم دھماکے کرکے اڑا دے گا۔ رجسٹرار جنرل نے مرکزی داخلہ امور کے چیف سکریٹری کو کہا ہے کہ ایسے حالات میں کولکاتہ ہائی کورٹ کے چیف جسٹس کی ہدایت کے مطابق یہ التجا کی جاتی ہے کہ کسی طرح کے ناخوشگوار واقع رونما نہ ہو اس سلسلے میں اس مسئلے کو غیر معمولی اہمیت دی جائے اور اس پر فوراً کوئی ٹھوس کارروائی کی جائے۔
