مغربی بنگال کے مالدہ ضلع کے باون گولہ تھانہ علاقے میں واقع ندی سے آج بی ایس ایف کے ایک جوان کی لاش برآمد BSF Jawans Body Recover in Malda ہوئی ہے، جس سے علاقے میں افراتفری کا ماحول ہے۔
معاملے کی اطلاع پر جائے وقوع پر پہنچی حبیب پور اور باون گولہ تھانے کی پولیس نے بی ایس ایف جوان کی شناخت ویویک کمار تیواری کے طور کی ہے وہ اترپردیش کے اعظم گڑھ کا رہائشی ہے، بی ایس ایف کے بٹالین 159 میں کانسٹیبل کے عہدے پر فائز تھا۔
ذرائع کے مطابق گزشتہ شب باون گولہ علاقے میں واقع بھارت - بنگلہ دیش سرحد کے قریب گشتی مہم ٹیم کا مہلوک جوان حصہ تھا لیکن آج صبح جوان کی لاش ملنے سے بی ایس ایف یونٹ پریشان ہے۔
مزید پڑھیں:
واضح رہے کہ چند روز قبل حبیب پور باون گولہ علاقے میں واقع بھارت بنگلہ دیش بین الاقوامی سرحد کے قریب بی ایس ایف کے جوانوں نے جانوروں کے اسمگلنگ کرنے والوں پر حملہ کیا تھا، بی ایس ایف کی فائرنگ میں ایک بنگلہ دیشی درانداز شدید طور پر زخمی ہوا تھا، بعد ازیں اسےگرفتار کرکے مالدہ میڈیکل کالج اینڈ ہسپتال میں داخل کرایا گیا تھا۔
