مغربی بنگال کے دارالحکومت کولکاتا میں واقع سیکرٹریٹ بلڈنگ نبنو گھراو مہم کے دوران بی جے پی حامیوں اور پولیس اہلکاروں کے درمیان خونی جھڑپوں کے سبب دارالحکومت کولکاتا میں صورتحال سنگین ہوگئی ہے۔دونوں جانب سے متعدد افراد کے زخمی ہونے کی اطلاع ہے۔بی جے پی کے حامیوں نے جہاں ایک طرف پولیس گاڑی کو نذر آتش کردیادوسری طرف پولیس نے اپنے دفاع میں پتھراو کرنے والوں کی جم کر پٹائی کی۔BJP Supporters Burnt Vehicles AND Stonepelting During Nabbana Abhiyan
پولیس نے حزب اختلاف کے رہنما شبھندو ادھیکاری،سنئیر بی جے پی رہنما راہل سنہا اور اور رکن پارلیمان اور اداکارہ لاکیٹ چٹرجی کو گرفتار کرلیا ہے۔ بی جے پی کےریاستی صدر سوکنتا مجمدار ،رکن پارلیمان دلیپ گھوش اور رکن اسمبلی اگنی مترا پال نے اپنے رہنماوں کی رہائی کے لئے دھرنے پر بیٹھ گئے۔
بی جے پی کی نبنو ابھیان (مہم)کے دوران بی جے پی کے حامیوں اورپولیس اہلکاروں کے درمیان زبردست جھڑپ میں متعدد افراد کے زضمی ہونے کی اطلاع ملی ہے۔ نبنو ابھیان کے دوران پولیس نے حزب اختلاف کے رہنما شبھندو ادھیکاری کو حراست میں لے لیا گیا ہے۔
مغربی بنگال کے دارالحکومت کولکاتا میں مغربی بنگال حکومت کے خلاف بی جے پی کی سیکرٹریٹ بلڈنگ نبنو گھیراو مہم کے دوران بی جے پی کے حامیوں اور پولیس اہلکاروں کے درمیان جم کرجھڑپ ہوئی۔ اس سے پورے معاملے میں افراتفری مچ گئی ۔
یہ بھی پڑھیں:Mathura Shahi Eidgah Case متھرا شاہی عیدگاہ معاملے کی اگلی کی سماعت تین اکتوبر کو ہوگی
بی جے پی کے حامیوں نے کولکاتا اور اس سے متصل ہوڑہ ضلع میں پرتشدد مظاہرہ کرتے ہوئے نصف درجنوں گاڑیوں میں توڑ پھوڑ کی۔پولیس کی کارروائی کے دوران بی جے پی کی کاونسلرمینکا دیوی پروہیت زخمی ہوگئی۔اس کے علاوہ بی جے پی کے دیگر رہنماوں کے زخمی ہونے کی اطلاع ہے۔
