کولکاتا: مغربی بنگال میں ان دنوں سیاسی گہماگہمی عروج پر ہے۔ روزانہ کولکاتا کی سڑکوں پر سیاسی جماعتوں کی جانب سے احتجاجی جلوس کا اہتمام کیا جارہا ہے۔چند روز قبل نبنو گھراو کے اعلان کرنے والی بی جے پی نے آج پولیس ہیڈ کوارٹر لال بازار گھراو کے ارادے سے احتجاجی ریلی کا اہتمام کیا۔BJP Protest Against Kolkata Police On Friday
بی جے پی کے حامیوں نے پولیس ہیڈ کوارٹر لال بازار گھرانے کی کوشش کی لیکن پولیس کی مستعدی کے سبب ان کے مقصد کو ناکام بنادیا۔پولیس نے احتجاجی مظاہرے کے مدنظر سخت سیکیورٹی انتظامات پہلے ہی کر رکھی تھی۔ پولیس کی سخت انتظامات کے سبب بی جے پی پولیس ہیڈ کوارٹر تک پہنچ نہیں سکی ،
واضح رہے کہ گزشتہ روز سیکرٹریٹ بلڈنگ نبنو گھراو مہم کے دوران بی جے پی حامیوں اور پولیس اہلکاروں کے درمیان خونی جھڑپوں کے سبب دارالحکومت کولکاتا میں صورتحال سنگین ہوگئی ہے۔دونوں جانب سے متعدد افراد کے زخمی ہونے کی اطلاع ہے۔بی جے پی کے حامیوں نے جہاں ایک طرف پولیس گاڑی کو نذر آتش کردیادوسری طرف پولیس نے اپنے دفاع میں پتھراو کرنے والوں کی جم کر پٹائی کی۔
