بی جے پی کے قومی صدر کا کولکاتا دورہ آج

بی جے پی کے قومی صدر جے پی نڈا دو روزہ دورے پر آج کولکاتا پہنچ رہے ہیں جہاں وہ اعلیٰ رہنماؤں سے ملاقات کریں گے۔

مغربی بنگال میں اگلے سال منعقد ہونے والے اسمبلی انتخابات کے مدنظر بی جے پی کے قومی صدر جے پی نڈا دو روزہ دورے پر آج شام مغربی بنگال پنچہیں گے۔ اسمبلی انتخابات کے مدنظر بی جے پی کے قومی صدر کا یہ دورہ بنگال کافی اہم منا جا رہا ہے۔

بی جے پی کے قومی نائب صدر مکل رائے کا کہنا ہے کہ جے پی نڈا مغربی بنگال کے دارالحکومت کولکاتا پہنچیں گے۔ دمدم کے نیتاجی سبھاش چندر بوس انڑنیشنل ائیر پورٹ سے وہ جنوبی 24 پرگنہ کے لئے روانہ ہو جائیں گے۔

بی جے پی کے قومی صدر جے پی نڈا جنوبی 24 پرگنہ کے مختلف علاقوں میں عوامی جلسے کو خطاب کریں گے۔ اس کے بعد وہ جنوبی 24 پرگنہ ضلع میں بی جے پی کے اعلی رہنماؤں سے ملاقات کے دوران اسمبلی انتخابات کی تیاریوں پر تبادلہ خیال کریں گے۔ مسلم اکثریتی ضلع کے ووٹرس کی توجہ اپنی جانب مبذول کرانے کے لئے بی جے پی کے رہنما اہم بات چیت کریں گے۔

بی جے پی کے نائب صدر مکل رائے کا کہنا ہے کہ جنوبی 24 پرگنہ کا دورہ مکمل کرنے کے بعد وہ دارالحکومت کولکاتا واپس آ جائیں گے۔ جے پی نڈا کولکاتا بلاک کے تمام رہنماؤں سے ملاقات کر کے اسمبلی انتخابات کی تیاریوں کو حتمی شکل دیں گے۔ بی جے پی کے قومی صدر کولکاتا میں بھی عوامی جلسے کو خطاب کریں گے۔