ممتا بنرجی کیا غدار کے ساتھ انتخابات لڑیں گی: ارجن سنگھ

مغربی بنگال میں تہواروں کے موسم کے درمیان سیاسی سرگرمیاں بھی عروج پر ہیں۔ اسی درمیان شمالی 24 پرگنہ ضلع کے بیرکپور سے بی جے پی کے رکن پارلیمان ارجن سنگھ نے وزیراعلی ممتا بنرجی پر تنقید کرتے ہوئے کہا کہ ممتا بنرجی اقتدار میں رہنے کے لئے ویمل گورنگ جسے ایک غدار سے ہاتھ ملا رہی ہیں۔

مغربی بنگال کی بی جے پی یونٹ اگلے اسمبلی انتخابات کے لئے کمر کس چکی ہے. وہ حکمراں جماعت ترنمول کانگریس کو ہدف تنقید بنانے کا کوئی موقع گنوانا نہیں چاہتی ہے۔حکمراں جماعت ترنمول کانگریس سمیت تمام اپوزیشن پارٹی اسمبلی انتخابات میں ایک دوسرے کو شکست دینے کی تیاریوں میں مصروف ہیں۔

شمالی 24پرگنہ ضلع کے بیرکپور سے بی جے پی کے رکن پارلیمان ارجن سنگھ نے وزیراعلی کہا کہ ممتا بنرجی اقتدار میں رہنے کے لئے ویمل گورنگ جسے ایک غدار سے ہاتھ ملا رہی ہیں۔ انہوں نے کہا کہ گورکھا جن مکتی مورچہ کے رہنما ویمل گورنگ پر یو اے پی اے کے تحت ملک کے ساتھ غداری کا مقدمہ درج ہے۔ لیکن حکمران جماعت ترنمول کانگریس کو صرف اقتدار سے مطلب ہے، وہ اس کے لئے کسی سے بھی ہاتھ ملا سکتی ہے۔

رکن پارلیمان کے مطابق ممتا بنرجی ویمل گورنگ کے سہارے پہاڑ دارجلنگ میں اپنا کھویا ہوا وقار دوبارہ حاصل کرنا چایتی ہیں۔لیکن سب کو معلوم ہے کہ ویمل گورنگ پر یو اے پی اے کے تحت مقدمہ چل رہا ہے.ویمل گورنگ پر ڈیوٹی پر تعینات ایک پولیس اہکار کو جان سے مارنے کا الزام ہے۔وہ گزشتہ تین برسوں سے فرار چل رہے تھے۔ لیکن ترنمول کانگریس کی جانب سے اشارہ ملتے ہی وہ نہ صرف دارجلنگ میں موجود اپنی رہاہش گاہ پہنچے بلکہ سالٹ لیک بھی آئے۔بی جے پی کے رکن پارلیمان کا کہنا ہے کہ مغربی بنگال پولیس کو جس شخص کی برسوں سے تلاش تھی۔ وہ کولکاتا آیا اور پریس کانفرنس کرکے چلا بھی گیا۔پولیس کچھ بھی نہیں کر پائی .انہوں نے کہا کہ جس شخص کو ترنمول کانگریس کی حمایت حاصل ہو گی اس کے خلاف کوئی کارروائی نہیں ہوگی۔ساتھ میں انہوں نے پولیس پر بی جے پی حامیوں کے خلاف یکطرفہ کارروائی کرنے کا الزام لگایا ہے۔

واضح رہے کہ گزشتہ روز گورکھا جن مکتی مورچہ کے رہنما ویمل گورنگ نہ صرف سالٹ لیک آئے بلکہ گورکھا بھون میں پریس کانفرنس کرکے واپس دارجلنگ چلے گئے۔اس کے بعد سے ہی بی جے پی، کانگریس اور بائیں محاذ حکمراں جماعت ترنمول کانگریس کو گھیرنے کی کوشش میں مصروف ہیں۔