واضح رہے کہ آئندہ 18 جولائی کو ترنمول کانگریس بدھان نگرمیونسپل کارپوریشن کے میئر شبھاشاچی دتہ کے خلاف عدم اعتماد کی تحریک لانے جارہی ہے۔
بی جے پی کے رہنما مکل رائے نے بدھان نگر میونسپل کارپوریشن کے میئر شبھاشاچی دتہ سے ملاقات کے بعد میڈیا کے سوالوں پر جواب دیتے ہوئے کہاکہ شبھاشاچی میرا اچھے دوست ہیں۔ ان سے کافی پرانی جان پہچان ہے۔
انہوں نے کہاکہ وہ جب بھی کسی مشکل میں پڑتے ہیں تو میں ان کی مدد کر نے کے لیے حاضر ہو جاتاہوں۔وہ اس وقت مصیبت میں ہیں۔ ان کی مدد کرنا میرا فرض ہے۔
بی جے پی کے رہنما کے مطابق ہم دونوں نے آئندہ 18 جولائی کو ہونےو الی عدم اعتماد تحریک پر تبادلہ خیال کیا۔
مکل رائے نے کہاکہ ترنمول کانگریس کے باغی رہنما شبھاشاچی دتہ فی الحال بی جے پی میں شامل نہیں ہو رہے ہیں ۔ ان سے اس سلسلے میں کوئی بات چیت نہیں ہوئی ہے۔
انہوں نے کہاکہ ممتا بنر جی خود بی جے پی کی حمایت مانگ رہی ہیں۔ گزشتہ روز ممتابنر جی نے ڈولا بنرجی کوراجیہ سبھا میں جتوانے کے لیے بی جے پی کی مدد مانگی ہے۔ اس سے بڑی بات اور کیا ہو سکتی ہے۔
