مودی جی پہلے بنگال بی جے پی کو خود انحصار بنائیں: ادھیر رنجن چودھری

ادھیر رنجن چودھری نے کہا کہ مودی بنگال بی جے پی کو خود انحصار بنانے کا سبق نہیں پڑھا رہے ہیں۔ بنگال بی جے پی پوری طرح مودی اور امیت شاہ پر منحصر ہے۔

مغربی بنگال میں پردیش کانگریس کے صدر ادھیر رنجن چودھری نے وزیر اعظم نریندر مودی اور امیت شاہ کے بنگال اسمبلی انتخابات میں پارٹی کے لئے تشہیری مہم کے متعلق کہا کہ مودی جی عوام کو خود انحصار بننے کی صلاح دے رہے ہیں۔ لیکن بنگال بی جے پی کو انہوں نے خود انحصار بننے کی کوئی تربیت نہیں دی ہے۔

کولکاتا پریس کلب میں میٹ دی پریس کے تحت منعقد ایک پریس کانفرنس میں انہوں نے بنگال میں بی جے پی کی تشہیری مہم اور بی جے پی کی بنگال کے اقتدار پر قابض ہونے کی بی چینی پر کہا 'ابھی آسام، کیرالہ، پڈوچری، تمل ناڈو اور بنگال میں اسمبلی انتخابات ہو رہے ہیں۔ ابھی بھی بنگال اسمبلی انتخابات کے پانچ مراحل باقی ہیں۔ ہماری جماعت پردیش کانگریس اور بایاں محاذ کو تشہیری مہم میں چہروں کی کوئی کمی محسوس نہیں ہو رہی ہے۔ لیکن نریندر مودی ملک کے عوام کو ایک طرف خود انحصاری کا سبق پڑھا رہے ہیں لیکن خود اپنی جماعت کا بنگال میں برا حال ہے'۔

انہوں نے کہا 'بنگال بی جے پی کو خود انحصار بننے کا وہ سبق نہیں پڑھا رہے ہیں۔ بنگال بی جے پی پوری طرح مودی اور امیت شاہ پر منحصر ہے۔ مودی جی کو یہ نہیں معلوم کے کسی تنظیم کے لئے یہ کمزوری ہے۔ میرا سوال ہے کہ بی جے پی خود کب خود انحصار ہوگی'۔

انہوں نے کہا 'مودی جی کو ملک چھوڑ کر بنگال میں ہی رہ جانا چاہیے۔ یہ ایک ملک کے لئے افسوس ناک ہے کہ 1.3 عرب لوگوں کے وزیر اعظم سے کلکتہ ائیر پورٹ نہیں چھوٹ رہا ہے۔ ایسے ملک کا کیا ہوگا ملک کے لئے مصیبت کی گھڑی ہے۔ بی جے پی کو صرف بنگال کے اقتدار پر قابض ہونے کی فکر لگی ہے۔ ان کو ملک کی کوئی پرواہ نہیں ہے'۔