مشرقی مدنی پور :مغربی بنگال کے ضلع مشرقی مدنی پور کے کنٹائی میں ایک پرائیوٹ ہسپتال کے دورے کے بعد بہار حکومت میںوزیر محنت سریندر رام نے کہا کہ موجود ہ مرکزی حکومت نے عام لوگوں کو نظر انداز کردیا ہے ۔اس کی وجہ سے بڑے پیمانے پر بے روزگاری ہے۔ سریندر رام نےکہا کہ یہ سال بہت ہی اہم ہےکیوں کہ عا م انتخابات ہونے والے ہیں ۔لالو پرسادیادو کی کوششوں سے ملک گیر سطح پر انڈیا اتحاد کی تشکیل ہوئی ہے۔جس میںوزیر اعلیً ممتا بنرجی بھی شامل ہیں ۔بنگال کے عوام نے کبھی کبھی بھی فرقہ پرستوں کی پذیرائی نہیں کی ہے۔
یہ بھی پڑھیں:چار جنوری کو کانگریس انتخابی منشور پینل کی میٹنگ، ملکارجن کھرگے کریں گے صدارت
بہار کے وزئر نے کہاکہ مجھے امید ہے کہ اگلے لوک سبھا کے انتخاب میں بنگال ، بہار اور ملک بھر کے عوام دشمن نریندر مودی کی حکومت کو اقتدار سے بے دخل کردیں گے۔ سریندر رام نے کہا کہ بہار تیزی سے اقتصادی ترقی کی راہ پر گامزن ہے۔بہار میں صنعتی کارخانے قائم کرنے کی کوشش کی جارہی ہے۔انہوںنے کہا کہ وزیر اعلیٰ نتیش کمار اور نائب وزیراعلیٰ تیجسوی یادوبہار میںلیدر صنعت کو بحال کرنے کی کوشش کررہے ہیں ۔ ٹینری لگانے والوں کو بہار حکومت خصوصی رعایت دے گی۔بجلی میں سبسیڈ ی دی جائے گی۔
یو این آئی
