گزشتہ کئی دنوں سے بنگال میں کورونا وائرس کے فعال کیسز میں کمی دیکھی جا رہی ہے۔
مغربی بنگال میں درگا پوجا کے دوران کورونا وائرس کیسز میں تیزی سے اضافہ ہوا تھا۔لیکن گزشتہ ہفتے سے کورونا وائرس کے کیسز میں لگاتار کمی آ رہی ہے۔
ریاستی حکومت محکمہ صحت کے بلیٹن کے مطابق گزشتہ روز کورونا وائرس کے 3012 کیسز درج کئے گئے جو گزشتہ پانچ ہفتوں میں سب سے کم ہے۔جبکہ اتوار کو 3053 کیسز درج کئے گئے تھے۔
گزشتہ 24 گھنٹے میں 53 افراد کی موت ہوئی ہے۔فعال کیسز میں لگاتار کمی ہو رہی ہے۔اتوار کی بہ نسبت کل 41 کم کیسز درج کئے گئے ہیں۔بنگال میں اب تک متاثرین کی تعداد چار لاکھ 38 ہزار 563 ہوچکی ہے۔
گزشتہ روز ہلاک ہونے والوں کی تعداد 53 درج کی گئی جبکہ اتوار کے روز یہ تعداد 51 تھی۔مغربی بنگال میں اب تک کورونا وائرس سے ہلاک ہونے والوں کی تعداد بڑھ کر 7714 ہوگئی ہے۔
