وزیر اعظم مودی آج صبح 11 بجے مغربی بنگال کے پورولیا میں انتخابی جلسہ سے خطاب کریں گے۔ اس کے علاوہ آسام کے کریم گنج میں بھی وزیر اعظم مودی کی انتخابی ریلی ہونی ہے۔
مغربی بنگال میں ریلی کے بارے میں وزیر اعظم مودی نے ٹویٹ کر لکھا کہ 'خوشی ہے کہ کل 18 مارچ کو مغربی بنگال کی میری بہنوں اور بھائیوں کے درمیان ہونے کا موقع ملے گا۔'
انہوں نے کہا کہ وہ پورولیا میں ایک ریلی کو خطاب کریں گے۔ وزیر اعظم نے مزید لکھا کہ مغربی بنگال میں تبدیلی کی خواہش ہے۔ بی جے پی کے ترقیاتی ایجنڈے سے لوگ خود کو جوڑ پا رہے ہیں۔
اس کے علاوہ آسام کی ریلی کے سلسلے میں پی ایم مودی نے ٹویٹ کیا کہ کریم گنج میں ریلی کے دوران اس عظیم ریاست کے لوگوں میں شامل رہوں گا۔ انہوں نے کہا کہ آسام میں گزشتہ پانچ برسوں میں مختلف شعبوں میں مثبت تبدیلی ہوئی ہے۔ انہوں نے لکھا کہ نیشنل ڈیموکریٹک الائنس (این ڈی اے) ترقیاتی ایجنڈے کو جاری رکھنے کے لئے عوام کی دعائیں چاہتا ہے۔
غور طلب ہے کہ مغربی بنگال میں آٹھ مراحل میں انتخابات ہونے ہیں۔ پہلے مرحلے کی پولنگ 27 مارچ کو ہے۔
شمال مشرقی ریاست آسام میں اس وقت بی جے پی کی زیرقیادت این ڈی اے حکومت ہے۔ 126 اسمبلی نشست والی اس ریاست میں بھی بی جے پی پوری طاقت کے ساتھ انتخابی مہم میں مصروف ہے۔
مزید پڑھیں:
بنگال ایم آئی ایم کو جھٹکا سینیئر لیڈر نے چھوڑی پارٹی
الیکشن کمیشن نے آسام میں اسمبلی انتخابات تین مراحل میں کرانے کا فیصلہ کیا ہے۔ پہلے مرحلے کی پولنگ مغربی بنگال کے ساتھ ہی 27 مارچ کو ہونی ہے۔
