بولپور: مغربی بنگال کے ضلع بیربھوم کے شانتی نیکیتن میں واقع وشوا بھارتی یونیورسٹی میں 13 مارچ کو 57ویں لیکچر سیریز میں بالی ووڈ کے مشہور اداکار انوپم کھیر شرکت کریں گے۔ بالی ووڈ کے تجربہ کار اداکار انوپم وشو بھارتی کے لپیکا تھیٹر میں لیکچر سریز کو خطاب کریں گے۔ تاہم ابھی تک یہ واضح نہیں ہے کہ وہ اس تقریب میں شرکت کے لیے وہاں حاضر ہوں گے یا آن لائن تقریر کریں گے۔ اس بارے میں جب متعلقہ لوگوں سے سوال کیا گیا تو انہوں نے کھل کر کچھ نہیں کہا۔
یہ بھی پڑھیں:Nirmalya Narayan Chakraborty نرملیا نارائن چکرورتی کو رابندر بھارتی یونیورسٹی کا وائس چانسلر مقرر کیا گیا
غور طلب ہے کہ اس سال کے لیکچرز 13 مارچ کو شام 4:30 بجے سے شروع ہوں گے۔ اس تقریب میں انوپم کھیر مہمان خصوصی کی حیثیت سے شرکت کریں گے۔ ذرائع کے مطابق یہ لیکچر سیریز یا لیکچر پروگرام وشو بھارتی میں موجودہ وائس چانسلر ودیوت چکرورتی کے دور میں شروع ہوا تھا۔ ودیوت 4 سال سے کچھ زیادہ عرصے سے وشو بھارتی کے انچارج ہیں۔ اس عرصے کے دوران اب تک 56 لیکچر سیریز یا لیکچرز منعقد ہو چکے ہیں اور شروع سے لے کر اب تک اس پروگرام کو لے کر کئی تنازعات کھڑے ہو چکے ہیں۔ مثال کے طور پر جب پورے ملک میں NRC اور CAA کے خلاف ہنگامہ برپا تھا، وشو بھارتی میں NRC اور CAA کے حق میں تقاریر کا اہتمام کیا گیا۔ اس کے علاوہ اسی لیکچز سیریز میں ترنمول کانگریس کی رکن پارلیمان مہوا موترا نے کالی پوجا کو لے تبصرہ کیا تھا۔ ان کے تبصرے پر بی جے پی نے پورے ملک میں ہنگامہ کھڑا کر دیا۔ ان سے معافی کا مطالبہ بھی کیا گیا تھا۔
