مغربی بنگال کی وزیراعلیٰ ممتا بنرجی نے اس مرتبہ وزیراعظم نریندر مودی کو خط آکسیجن پلانٹ کے لئے لکھایا ہے۔ وزیراعلیٰ ممتابنرجی نے قلم کا سہارا لیتے ہوئے وزیراعظم نریندر مودی کی توجہ اپنی طرف مبذول کرانے کوشش کی ہے۔
ترنمول کانگریس کی سربراہ اور وزیراعلیٰ ممتا بنرجی نے ریاست کے مختلف ہسپتالوں میں 70 پلانٹ قائم کرنے کے لئے وزیراعظم نریندر مودی کو خط لکھ کر تعاون کرنے کا مطالبہ کیا ہے۔ وزیراعلیٰ ممتا بنرجی نے اپنے خط میں لکھا ہے کہ مغربی بنگال میں روزانہ 350 میٹرک آکسیجن استعمال ہوتی ہے۔ لیکن ریاست میں کورونا کے بڑھتے کیسز کے مدنظر 550 میٹرک ٹن آکسیجن کی ضرورت پڑ سکتی ہے۔
ممتابنرجی نے کہا مرکزی حکومت کی مدد سے ریاست کے مختلف ہسپتالوں میں زائد آکسیجن پلانٹ قائم کیے جائیں گے۔ وزیراعلیٰ کا کہنا ہے کہ فی الحال مغربی بنگال میں اس وقت آکسیجن کی زیادہ ضرورت نہیں پڑرہی ہے۔ انہوں نے کہا کہ لیکن گزرتے وقت کے ساتھ ساتھ اس ( آکسیجن ) کی ضروریات بڑھ سکتی ہے۔ اس لئے ریاست کے مختلف ہسپتالوں میں آکسیجن پلانٹ قائم کرنے کا فیصلہ کیا گیا ہے۔
واضح رہے کہ مغربی بنگال کی وزیر اعلیٰ ممتا بنرجی اب تک وزیر اعظم نریندر مودی کو کئی خط لکھ چکی ہیں۔ تاہم بی جے پی کی قیادت والی مرکزی حکومت نے ابھی تک وزیراعلیٰ کے خطوط کا جواب نہیں دیا ہے۔
