کولکاتا میں کورونا وائرس سے متاثرہ ایک اور ڈاکٹر کی موت

مغربی بنگال میں عالمی وبأ کورونا وائرس کے پھیلنے کی رفتار سست تو پڑ گئی ہے لیکن خطرہ ابھی پوری طرح سے ختم نہیں ہوا ہے۔

ریاست کے دارالحکومت کولکاتا کے ایک نجی اسپتال میں سنیچر کے روز کورونا وائرس سے متاثرہ ایک اور ڈاکٹر کی موت ہو گئی۔

اس طرح مغربی بنگال میں کورونا وائرس سے ہلاک ہونے والے ڈاکٹروں کی تعداد 80 ہو گئی ہے۔

ویسٹ بنگال ڈاکٹرز فورم کے شریک جنرل سیکرٹری راجیب پانڈا نے کہا کہ کورونا وائرس کے سبب ہلاک ہونے والے ڈاکٹر سبرتو شوم گزشتہ چند دنوں سے مکندپور کے ایک نجی ہسپتال میں زیر علاج تھے۔

انھوں نے مزید کہا کہ ڈاکٹر سبرتو شوم کورونا وائرس سے بری طرح متاثر تھے اور 58 سالہ ڈاکٹر کی آج دن میں موت ہو گئی جس کے بعد ڈاکٹرز فارم کی جانب سے انہیں تعزیت پیش کی گئی۔

ڈاکٹرز فارم کے شریک جنرل سیکرٹری راجیب پانڈا نے مزید کہا کہ گزشتہ 29 نومبر کو ان میں کورونا وائرس پائے جانے کی تصدیق ہوئی تھی۔ ڈاکٹر سبرتو شوم مالدہ میڈیکل کالج اینڈ اسپتال میں جلد (اسکین) کے ماہر ڈاکٹر تھے۔

ڈاکٹر سبرتو کو سات دسمبر کو جنوبی کولکاتا کے مکندپور کے ایک نجی اسپتال میں داخل کرایا گیا تھا۔ ریاستی حکومت اور محکمہ صحت نے پریس ریلیز جاری کرکے ان کی موت پر اظہار تعزیت پیش کی ہے۔